E përditshmja sportive “Panorama Sport” është hapur me një lajm për Partizanin: përgjigja që UEFA u ka dhënë për Evropën.
Ka edhe emra të përmendur për merkaton e të kuqve. Arrestimi i bekim Kulit është një tjetër artikull kryesor dhe është i vëllai që flet.
Te kombëtarja një analizë e Sulejman Memës zë një vend të rëndësishëm, ndërkohë që edhe reagimi i Finos për regjistrimin e zgjedhjeve në Gjykatë, është përzgjedhur për faqen e parë.
Në Berat ëndërrojnë: duan Takajn presidenti, kurse Kamza prezanton një kampion bote si trajner.
Largimi i Zidan, tentativa e Milan për Higuain dhe lista e Gjermanisë, janë artikujt kryesorë të përzgjedhur nga bota.
Edhe në “Sport Ekspres” artikulli kryesor është përgjigja që UEFA i ka kthyer Partizanit, ndërkohë që Takaj është zbërthyer në një intervistë në këtë gazetë.
Ka edhe lajme merkatoje, konkretisht për largime. Prezantimi i trajnerit të ri të Kamzës, fitimi i titullit nga të rinjtë e Vllaznisë, si dhe dëshirat e Tiranës në merkato, janë përfshirë në faqen e parë.
Konferenca e Mavrajt dhe Balajt zënë një vend të rëndësishëm, ndërkohë që nga bota largimi i Zidan dhe lista e largimeve nga Bayern Munchen janë lajmet më të forta.
Hapësirë edhe për atletikën, flet presidenti i federatës. /EDS/