Aleksandër Isaevski është zyrtarisht një lojtar i Dinamos. Shuhen zërat përfundimisht për ish-mbrojtësin e Vllaznisë që kërkohej nga shumë ekipe në Kategorinë Superiore, por maqedonasi ka preferuar të veshë fanellën e skuadrës kryeqytetase, asaj të Dinamos.
26-vjeçari maqedonas luajti për një sezon me skuadrën shkodrane ku spikati me paraqitjet e tij dhe u aktivizua në total mes Kategorisë Superiore dhe Kupës së Shqipërisë në 33 ndeshje nga ku ka realizuar një gol dhe ka dhuruar dy asiste.
Lajmin e transferimit të tij tek skuadra blu e ka bërë publike vetë klubi i Dinamos nëpërmjet një postimi në profilin e saj në rrjetin social “Facebook”.
NJOFTIMI I KLUBIT TË DINAMOS –
“Aleksandar Isaevski… zyrtarisht Dinamovit
Mbrojtësi 26-vjeçar është zyrtarisht pjesë e Dinamos si afrimi më i fundit në merkato. Lojtari i krahut të majtë vjen si një përforcim me shumë vlera në repartin e mbrojtjes.
#MirësevjenAleksandar #Dinamo #WeAreBack”
