Kundërshtarët tanë Turqia nuk do të ndahen menjëherë nga Shkodra pas përfundimit të sfidës së nesërme me Shqipërinë. Stafi teknik i “gjysmëhënave” ka planifikuar qëndrimin në tokën shqiptare edhe për pjesën më të madhe të ditës së shtunë.
Përgatitjet për sfidën me Moldavinë, Turqia do t’i zhvillojë në “Loro Boriçi” në orën 11:00. Sipas programit, ekipi do të fluturojë në atdhe në orën 16:00 të së shtunës, ku do të zbarkojë në Esiksehir për të vazhduar përgatitjet, që përmbyllen me sfidën e së hënës ndaj Moldavisë në orën 18:00 në stadiumin e qytetit të Esiksehirit.
