Partizani do të luajë sot kundër Vllaznisë, ndeshje e vlefshme për gjysmëfinalen e Kupës së Shqipërisë. Kjo sfidë do të zhvillohet në stadiumin “Elbasan Arena” dhe nga minuta e parë pritet të jetë në fushë Stenio Junior.
Sulmuesi i kuq duket mjaft i motivuar teksa në një postim të bërë në rrjetet sociale tregon përballjen ndaj shkodranëve duke shkruar: “Dita e betejës”.
Kujtojmë që Kupa e Shqipërisë është mjaft e rëndësishme për të dy ekipet, pasi shihet si rruga më e shkurtër për të shkuar në Kupat e Europës. Kjo ndeshje është programuar të startojë në orën 17:45.
Por nderkohe edhe ne kampin shkodran duken njelloj te motivuar dhe si rrjedhoje pritet te jete nje ndeshje e luftuar nga te dy ekipet.
