Edy Reja ka folur për Amir Rrahmanin, ish-lojtarin e Partizanit që tanimë do të luajë në sezonin e ri me Napolin.
Aktualisht shtatlarti është pjesë e Veronës dhe me performancën e treguar në këtë sezon futbollistik, bindi drejtuesit napolitanë për ta pasur në ekip.
Në një intervistë të dhënë për mikrofonin e Kiss Kiss Napoli, Reja i ka tërhequr “veshin” De Biasit, madje e ka konsideruar një turp lënien e tij jashtë Kombëtares.
“Dua ta uroj Napolin që e transferoi Rrahmanin, e kam parë vetë këtë futbollist dhe ka për ta gjetur veten shumë mirë me fanellën e kësaj skuadre. Ai është kosovar, por unë do të dëshiroja ta kisha në skuadër sepse ai u thirr kur De Biasi ishte trajner në kombëtaren e Shqipërisë. Kosova e pyeti nëse dëshiron të jetë pjesë e kombëtares së tyre dhe ai tha ‘po’. Është një turp me të vërtetë, do të më pëlqente shumë me kombëtaren shqiptare.
Kumbulla? Kumbulla është një lojtar i shkëlqyeshëm që mund të kapet te Verona. Napoli mund të bënte një goditje të madhe me të në merkato, por ka edhe shumë klube të tjera italiane që e duan në Itali. Milan, Inter dhe Juventus, por edhe skuadra të tjera të njohura jashtë Italisë.
Afrimi i Kumbullës do të ishte vërtet një tjetër goditje e madhe për të kaltrit. Unë kam kujtime të shkëlqyera te Napoli, i kujtoj me nostalgji ato vite. Akoma më dërgojnë video dhe foto, para disa ditësh më dërguar një video nga fitorja kundër Interit me një gol të shkëlqyer të Zalajetës”, tha ndër të tjera ai./newsport/
