Pas përfundimit të sezonit, Bale do të largohet nga Real Madridi si lojtar i lirë dhe në muajt e fundit ai pothuajse nuk ka luajtur pasi i mungon dëshira.
Bale preferon të luajë golf, e megjithatë ka një pasion shumë më të madh teksa luan për Kombëtaren e Uellsit, edhe pse në Madrid i jepen dhjetëra milionë euro në sezon.
Edhe pse u fol se mund ta mbyllë karrierën e tij në klub në fund të sezonit, Bale do të ruajë statusin e një futbollisti profesionist, por sipas “Wales Online”, mund të luajë për Cardiff City që është pjesë në Championship.
Bale ka lindur në Cardiff, por e la atë në 2006 dhe vazhdoi zhvillimin e tij të futbollit në Southampton, Angli. Më pas ai kaloi në Tottenham dhe më pas në Real Madrid.
Bale ka oferta nga klubet e Serie A dhe Premier League, por pretendohet se kënaqësia e tij personale do të jetë gjëja më e rëndësishme në zgjedhjen e një sfide të re.
Kështu që Bale mund të nënshkruajë shumë lehtë për një klub nga vendlindja e tij.
