Ka nisur nga dita e hënë turneu i ekipeve përfaqësuese rajonale për moshat U-13, U-14 dhe U-15. Në Qendrën e Ekipeve Kombëtare në Kamëz janë zhvilluar ndeshjet për grup-moshën nën 14 vjeç. Ndeshja e parë ka qenë Tirana-Lezha, që përfundoi me fitoren 3-0 të djemve kryeqytetas me golat e shënuar nga Elson Himallari, Mateo Maçi dhe Glen Gugalli.
Ndërsa, në sfidën tjetër, Durrësi-Shkodra i përfunduan 90 minutat me rezultatin e barabartë 4-4, ndërsa me penallti triumfuan djemtë shkodranë me rezultatin 10-9.
Më pas, u luajt ndeshja finales mes Tiranës dhe Shkodrës, që u fitua nga tiranasit me rezultatin 5-0 me gola të shënuar nga Ismail Ademi, Mateo Maçi, Glen Gugalli, Kevin Zhega dhe Daors Vllahu. Përfaqësuesja U-14 e Tiranës drejtohet nga trajneri Artion Poçi.
Në sfidën për vendin e tretë dhe të katërt u vunë përballë Durrësi dhe Lezha, ndeshje kjo që u fitua nga lezhjanët e drejtuar nga trajneri Alket Kruja me rezultatin 1-3.
Turneu do të vijojë ditën e martë me përballjet e moshës U-14, që luhen në Fier e ku marrin pjesë përfaqësueset rajonale të kësaj grupmoshe të Fierit, Elbasanit, Korçës dhe Gjirokastrës.
Të pranishëm në ndeshjet e zhvilluar sot ishin Drejtori Teknik i FSHF-së, Giancarlo Camolese, Sulejman Mema, trajnerët e moshave Ardi Behari, Ervin Bulku, Armand Damo dhe Agron Kërçova.
Gjithashtu, këtë turne po e ndjek edhe përfaqësuesi i UEFA-s, Roger Meichtry, i cili është këshilltar i jashtëm i Uefa-s për “Elite Youth Development player”. Meichtry do të ndjekë nga afër edhe ndeshjet e ditës së martë mes ekipeve përfaqësuesve rajonale Fierit, Elbasanit, Korçës dhe Gjirokastrës.
Ky turne ka si qëllim evidentimin e elementëve të rinj që aktivizohen në kampionatet rajonale të FSHF-së dhe vëzhgimi i mëtejshëm i tyre nga stafi i ekipeve Kombëtare, për të përzgjedhur më tej futbollistët e rinj të ekipeve kombëtare të moshave. Ky turne është fryt i një pune disa mujore, ku trajnerë dhe specialistë të ekipeve kombëtare ndjekin nga afër stërvitjet dhe seleksionimet e ekipeve rajonale, ku bëhet edhe përzgjedhja e talenteve të reja që marrin pjesë në këtë turne që zhvillohet dy herë në vit.
Finalet që do të përcaktojnë fituesin e secilës grup-moshë do të zhvillohen në datat 15 dhe 16 dhjetor në stadiumet “Selman Stërmasi” ose “Elbasan Arena” ose Qendrën e Ekipeve Kombëtare, Kamëz.
Më poshtë edhe rezultatet dhe kalendari i ndeshjeve për grupmoshën U-14.
Turneu i ekipeve përfaqësuese rajonale për moshat U-15, U-14 & U-13
Rezultatet & kalendari i ndeshjeve për moshën U-14:
U-14 dt.2009: Tiranë, Durrës, Shkodër, Lezhë
Dt.06.12.2021 (E Hënë)
Tirana – Lezha 3-0
Golat: Elson Himallari 8’, Mateo Maçi 10’, Glen Gugalli 55’
Kompleksi sportiv “Qendra e Ekipeve Kombëtare”, Kamëz
Durrës – Shkodër 4-4 (9-10 me penallti)
Golat: Ergi Mansaku 8’, 12’, Brajan Dedja 17’, Shaban Kolgjini 28’/ Argent Nika 21’, 50’, 60’, Brendon Krepi 24’
Kompleksi sportiv “Qendra e Ekipeve Kombëtare”, Kamëz
FINALJA
Tirana – Shkodra 5-0
Golat: Ismail Ademi 10’, Mateo Maçi 22’, Glen Gugalli 50’, Kevin Zhega 55’, Daors Vllahu 60’
Kompleksi sportiv “Qendra e Ekipeve Kombëtare”, Kamëz
Ndeshja për vendin e 3-të & 4-t
Durrësi – Lezha 1-3
Golat: Shahin Cara 12’ / Gjergj Shyti 16’, 22’, 37
