Leroi Sane mbeti me pasoja nga takimi Arsenal-Bajern Mynih, ndonëse ishte protagonist absolut në fitimin e penalltisë.
Gjatë seancës përgatitore të ditës së diel, ai nuk iu bashkua grupit kryesor, por është parë i veçuar, duke kryer ushtrime më të thjeshta dhe jo shumë impenjative, me qëllim shlodhjen. Në prononcimin e shkurtër për prestigjiozen “Bild”, Leroi tha:
“Ndihem mirë, ndonëse jo me ushtrime dhe seanca të gjata.
Shpresoj se do të jem në fushë të mërkurën. Na pret një ndeshje shumë e rëndësishme dhe kontributi i çdo futbollisti është jetik. Besoj se do t’ia dalë në kohë”, përfundoi sulmuesi Sane.
