Vetëm pak orë pas “divorcit” me Besëlidhjen, sulmuesi shkodran Jasmin Rraboshta është bërë me ekip të ri. Gazeta mëson se ai ka rënë dakord me drejtuesit e ekipit të Gramshit për t’u bërë pjesë e tyre në sezonin e ri.
Kjo do të thotë se nëse në Lezhë nuk i besuan më ndoshta aftësive të këtij lojtari, tek Gramshi kanë shumë besim se Rraboshta me lojën dhe golat e tij do të jetë një lojtar kyç për ta.
35 vjeçari ka një eksperiencë të madhe në futbollin shqiptar dhe padyshim që edhe tek skuadra e tij e re do të kërkojë të tregojë vlerat e tij më të mira.
Të mos harrojmë se ai u shpall golashënuesi më i mirë i kategorisë së dytë në sezonin që sapo u mbyll dhe padyshim që do të kërkojë të shënojë sa më shumë gola edhe për skuadrën e tij të re.
Burimi: Gazeta “SHKODRA SPORT”
