Nedim Bajrami ishte protagonisti kryesor i Kombëtares shqiptare në sfidën me Çekinë me supergolin e realizuar në minutën e 66’.

Duket se ky gol ka marrë vëmendjen e UEFA-s, e cila e ka nominuar për të fituar “Goli i Raundit”.

Në garë me mesfushorin shqiptar janë edhe Sandro Volfinger i Lihtenshtainit, Robert Levandovski i Polonisë dhe Aurelo Tçuameni i Francës.

Kjo është hera e tretë radhazi që një gol i Shqipërisë nominohet për golin më të bukur të raundit, pas realizimeve fantastike të Asanit me Moldavinë dhe Asllanit me Ishujt Faroe, ku të dyja dolën fituese.