“Nje rruge e dy pune”, keshtu mund te etiketohet udhetimi qe ekipi i basketbollit te meshkujve te Vllaznise do te beje diten e neserme drejt Kosoves. Fillimisht kishte planifikuar te zhvillonte nje ndeshje miqesore me ekipin e Prishtines, por me pas ka rregulluar edhe nje tjeter me Bashkimin e Prizrenit dhe prandaj duket se gjithçka eshte OK.
Kuqeblute e kane pare te arsyeshme qe ne kuadrin e pergatitjeve per sezonin e ri, te zhvillojne edhe ndeshje miqesore. Ajo me Prishtinen e planifikuar per te shtunen fillimisht, siç dihet u afrua per te premten por nga ana tjeter, duke qene se e shtuna ishte bosh, drejtuesit kane siguar edhe perballjen me Bashkimin e Prizrenit gjate kthimit per ne Shkoder.
Keshtu, ne kryeqytet miqesorja e pare do te luhet neser ne oren 19.00 ndersa ajo ne Prizren do te luhet te shtunen ne oren 15.00 ne pallatgin e sportit te ketij qyteti.
Keto dy ndeshje do t’i sherbejne trajnerit Gospodinov per te pare me mire gjendjen e ekipit dhe njekohesisht edhe nivelin e pese basketbollisteve amerikane te ardhur nga merkatoja e koheve te fundit.
Objektivat e ekipit te Vllaznise duken shume serioze dhe per kete arsye, perballja ne miqesore me ekipe te tilla si ato te Kosoves qe kane nje nivel te larte, eshte barometri me i mire per ta.
www.shkodrasport.com
