Vllaznia e nisi kete sezon me pretendime te medha, duke synuar titullin kampion apo Europen. Megjithate, rezultatet negative ne disa ndeshje kane bere qe skuadra te shfaqe teper oshilacione gjate kampionatit.
Jo me kot, skuadra eshte edhe ne vendin e katert, prandaj edhe perballja e fundjaves me Partizanin, konsiderohet nje sfide direkte. Per kuqeblute e Joses nuk ka asnje objektiv pervec fitores, pasi ne te kundert do t’i largoheshin se tepermi vendeve te para dhe do te rendoheshin edhe me shume psikologjikisht.
Zakonisht, skuadra e Vllaznise armen e saj me te forte kete sezon ka pasur ndeshjet ne shtepi. Megjithate, ne transferte kuqeblute nuk kane bere edhe aq mire, pasi shkodranet kane grumbulluar shume pak pike, madje as gjysmen e tyre. Ne total, nga 13-takime ne transferte, shkodranet kane grumbulluar vetem 16-pike, nga 39-te mundshme.
Ky bilanc rendon jo pak shkodranet, pasi behet fjale vetem per kater fitore dhe kater barazime. Nderkohe qe, ne pese sfida te tjera jane mposhtur. Me Josen ne stol, kuqeblute kane ditur ta shfrytezojne faktorin fushe, por jo ndeshjet ne transferte. Prandaj, mbetet per t’u pare nese ne vazhdimesi do te tregojne potencialin e tyre te vertete edhe ne transferte.
Nga ana tjeter, ndeshja me Partizanin ka rendesine e nje finaleje per Vllaznine, nje situate qe shton akoma edhe me shume presionin ne kampin shkodran. Keshtu, ndryshe nga rivali i djeshem qe ishte Teuta, mbetet per t’u pare se si do ta kalojne kuqeblute kete moment.
Ndeshjet direkte kane nje vlere dyfishe dhe per me teper kur luhet ne shtepi, qe do te thote se ne Shkoder jane te denuar per te dale me tri pike. Edhe pse skuadra barazoi ndaj Teutes dhe ka tre ndeshje pa fitore, duke mos pasur ecuri pozitive ne javet e fundit, duket se nje gje e tille ndoshta mund te ndikoje pozitivisht ne rikthimin tek trepikeshi. Per me teper, trajneri Mirel Josa do ta kete te plote te gjithe grupin e futbollisteve kete fundjave ndaj Partizanit, nje fakt qe ka ngjallur besimin ne skuader.
Maringlen ZHIVANI
