Vllaznia U17 është rikthyer tek fitorja në kampionat pas barazimit të javës së kaluar ndaj KF Shkodra. Paraditen e sotme ajo ka fituar me rezultatin e thellë 6-0 ndaj Shkëndijës së Tiranës, në ndeshjen e luajtur në fushën sportive “Reshit Rusi”.
Ka qenë mesfushori Eraldo Luka ai që ka zhbllokuar shifrat në minutën ee 19-të ndërkohë që më pas do të ishte rradha e sulmuesit Sebastian Gjeka për të shënuar golin e dytë dhe në këtë mënyrë pjesa e parë do të mbyllej në shifrat 2-0.
Në të dytën ka spikatur veçanërisht sulmuesi Gjeka që ka shënuar edhe tre gola të tjerë duke plotësuar “pokerin” e tij në këtë takim, ndërkohë që do të kishte vend edhe për një gol të Aldean Currajt dhe në këtë mënyrë i gjithë takimi është mbyllur me shifrat 6-0 për kuqeblutë.
Pas javës së 5-të të kampionatit, Vllaznia U17 tashmë me 10 pikë të grumbulluara ndodhet në vendin e tretë të renditjes, por me siguri që me përbërjen që ka në dispozicion, do të shohë pë më lart.
Burimi: Gazeta “Shkodra Sport”
