Festa e titullit kampion per ekipin U20 te Vllaznise ne volejboll per te reja, eshte shtyre per te dielen e ardhshme. Pas fitores 3-0 ne ndeshjen e pare ne Shkoder, u mendua qe sot ne Farke te arrinte edhe fitoren e dyte ndaj Dinamos dhe te kurorezohej kampione e vendit, por nuk ka ndodhur keshtu.
Ne takimin e luajtur pasditen e sotme, vajzat dinamovitet kane luajtur me mire dhe kane fituar 3-2 duke bere qe gjithçka sa i takon titullit kampion te vendoset te dielen e ardhshme ne ndeshjen e trete qe do te luhet ne Shkoder.
Dy setet e para te takimit te sotem, kane qene shume te dobeta per Vllaznine qe i ka humbur ato ne shifrat 25-13 dhe 25-17. Por me pas, vajzat shkodrane reagojne dhe hyjne ne loje duke fituar fillimisht setin e trete 26-24 dhe me pas te katertin 25-20 duke barazuar gjithçka dhe duke e çuar ndeshjen ne set final.
Ne kete te fundit, eshte Dinamo qe luan me mire, e kontrollon lojen nga fillimi e deri ne fund duke e fituar ate 15-9 dhe ne kete menyre, krejt ndeshjen me rezultatin 3-2. Ne kete menyre, numri i ndeshjeve finale eshte barazuar ne 1-1.
Kjo e ben te detyrueshme luajtjen e ndeshjes se trete dhe te fundit, ndeshje e cila do te luhet te dielen e ardhshme ne oren 15.00 ne pallatin e sportit “Qazim Dervishi” dhe ku padyshim qe pritet fitimi i titullit kampion nga Vllaznia U20./SHKODRA-SPORT.COM/
