Gazetari i sportit, Pano Xhixho, në emisionin “Skaner” në MCN TV, duke folur për kampionatin shqiptar, u shpreh se Dinamo dhe Skënderbeun nuk i shpëton as mrekullia nga rënia nga Kategoria e Parë.
Sipas Xhixhos, tashmë lufta do të bëhet nga 3 skuadra, për të shmangur “play out”.
Gara është e hapur vetëm për zonën e Europës, pa futur Laçin. Për mbijetesën, tashmë duhet ta themi se Dinamos dhe Skënderbeut, as mrekullia nuk i bën punë. Mund të luftohet për të shmangur “play out”, ku Teuta, Kastrioti dhe Egnatia, do luftojnë për këtë.
Për zonën e Europës, Kukësi nuk fiton prej disa javësh, por të njëjtën gjë bëjnë edhe Vllaznia me Partizani. Kukësi ka ndeshje direkte me Partizanin javën e ardhshme. Distanca prej 3 pikësh mund të mbetet nëse verilindorët mbajnë një barazim.
