Viti 2020 nuk mund të thuhet se ka qenë i keq për Kristiano Ronaldon, i cili ka gjetur rrjetën em vazhdimësi të admirueshme dhe pse ka qenë një vit i pazakontë me ndërprerje për shumëkënd. Portugezi ka shënuar si me klubin, ashtu edhe me kombëtaren e tij dhe në të rastet, duket qarëtsisht që është krijuar një lloj varësie ndaj golave të tij.
Kjo është më e dukshme te Juventusi, ku në vitin 2020, Kristiano Ronaldo ka qenë protagonisti absolut duke tundur rrjetat kundërshtare. Sipas statistikave, rezulton se Ronaldo ka shënuar 29 nga 59 golat e realizuara nga Juventusi gjatë vitit kalendarit 2020.
Kjo do të thotë që Ronaldo ka shënuar 49% të golave të Juventusit këtë vit e po të shtohet këtu edhe numri i asisteve që ka dhënë, atëherë shifra bëhet qartësisht e frikshme, pasi ky ekip ndikohet shumë nga prania e tij në fushë. Ndaj nuk është aspak rastësi që Pirlo kishte elozhe për lojtarin dhe në konferencë për shtyp pas dy golave ndaj Kaljarit ftoi tifozët t’Ii gëzoheshin “djaloshit” për sa kohë që mbante atë formë. /vipsport/
