Gianluigi Buffon bën rrëfimin e ndjerë për Del Pieron: “Alex më kishte treguar se telefoni i tij ishte plot thirrje dhe unë nuk mund të ankohesha. ‘Real Madrid më ka kontaktuar përmes drejtorit të tij sportiv, Gigi’, – më tha njëherë në lokal. Mornica të ftohta më kapluan trupin. ‘E kam refuzuar tashmë’, – shtoi më pas. Mora një frymë lehtësimi dhe mendova se të qëndrosh në Torino ishte gjëja më e drejtë.
Të qëndroja pranë Alex në atë moment ishte një detyrë, sepse kishte dhënë për këtë fanellë vite, që mund t’i kishte dhënë diku tjetër. Juventusi në Serie B dhe të thërret Reali, nëse refuzon bëhesh mit. Kur më pyetën se për cilin klub do doja të shkoja jashtë Juventusit, iu përgjigja: ‘A duhet të iki? Jo, rri me Alex’.
Në ditën e ‘standing ovation’ në ‘Allianz Stadium’, gjëja më e pabesueshme që kam parë për një futbollist, hyjmë në dhomat e zhveshjes pas dorëzimit të trofeut. Alex bëri disa foto me Claudio (Marchisio), pastaj iu afrova dhe e përqafova fort. Ishte një përqafim shumë i gjatë.
‘Ti do të më mungosh shumë, shoku im’, – i thashë në vesh dhe ai filloi përsëri të qante. Pirlo përpiqej ta qetësonte. ‘Asnjëherë nuk do të jetë dikush tjetër si ti’, – i thashë. Ai fshiu lotët si një fëmijë kokëfortë dhe tha: ‘Shokë si ne nuk mund ta ndjejnë mungesën reciproke, jemi shumë të lidhur, do të jem gjithmonë kështu’.
Pastaj mori përsëri trofeun që e kishte lënë në tokë: ‘E bëjmë një foto, Gigi?’ Puthja në faqe ishte spontane. Del Piero më ka ndihmuar më shumë se kushdo te Juventusi, ishte i pari që diskutoi me Conte kur ky u zemërua për gabimin tim ndaj Lecce. Nuk do të takoj kurrë dikë si Alex Del Piero dhe ndoshta, në thelb, bota nuk mund të na dhurojë një tjetër”.
