Me largimin e Xabi Alonsos nga Real Madridi, shumë zëra kanë kritikuar sjelljen brenda dhe jashtë fushës të lojtarëve si Vinicius apo Bellingham, duke i përfshirë ata si pjesë e “klanit” që shkarkoi trajnerin bask. Kjo ka kuptim, duke parë veprimet e Vinicius ndaj trajnerit gjatë këtij periudhe.
Megjithatë, Jude Bellingham, përmes aplikacionit të tij, dërgoi një mesazh të drejtpërdrejtë për fansat, duke u distancuar nga përgjegjësia dhe treguar se disa informacione që qarkullojnë janë të rreme.
“Deri tani kam lënë të kalojnë shumë prej këtyre, gjithmonë me shpresën që e vërteta të dalë në kohën e duhur. Por sinqerisht…, sa budallallëk. Me të vërtetë më vjen keq për ata që ngjiten pas çdo fjale të këtyre qesharakëve dhe ‘burimeve’ të tyre”, – shkroi anglezi.
Ai shtoi: “Mos besoni gjithçka që lexoni; herë pas here këta njerëz duhet të japin llogari për përhapjen e këtij lloj dezinformimi që dëmton, vetëm për klikime dhe krijuar më shumë polemika”./telesport/
