Atalanta u mund rëndë në shtëpi 6-1 nga Bayern Munich në ndeshjen e parë të 1/8 finale të Champions League. Pas ndeshjes, Raffaele Palladino, trajneri i skuadrës bergamaske, u përfshi në një debat televiziv me Fabio Capello. Ish-trajneri, tani opinionist në “Sky”, e pyeti me ton provokues: “Palladino, para ndeshjes the që kishe parë 12 ndeshje të Bayernit për t’u përgatitur. Çfarë ndryshoi Bayerni që ju befasoi, apo e studjuat keq?”
Palladino iu përgjigj qetësisht: “Mister, ka disa vlera në fushë…” Capello theksoi rëndësinë e respektimit të këtyre vlerave dhe kritikoi qasjen e guximshme të ekipit bergamask: “Nëse luan një kundër një dhe kundërshtari është më i mirë teknikisht, krijon probleme për të gjithë skuadrën”.
Palladino mbeti në qëndrimin e tij: “Nuk do të ndryshojmë, nuk do të mbrojmë zonën. E pranojmë rezultatin, mësuam shumë nga kjo disfatë”. Pas përfundimit të lidhjes, Capello sqaroi më tej kritikën, duke nënvizuar vështirësitë që Atalanta hasi përballë superioritetit teknik të Bayernit./telesport/
