Mesfushori Kleandro Lleshi nuk është më pjesë e Tiranës. Lajmin e ka bërë të ditur vetë ai përmes një postimi në rrjetet sociale teksa shkruan: “Faleminderit KF Tirana!”
Rikujtojmë që 26-vjeçari i ka dërguar në gjyq bardheblutë, për pesë rroga të prapambetura. Kjo çështje është aktualisht te Dhoma Kombëtare e Zgjidhjes së Konflikteve të FSHF-së, pasi përfaqësuesi i Lleshit lajmëroi fillimisht klubin. Mesa duket kontrata mes palëve është prishur për shkak të detyrimeve të prapambetura.
Aktualisht Tirana pozicionohet në vendin e 9-të me 27 pikë dhe rrezikon rënien nga kategoria nëse nuk arrin të fitojë ndeshjet e mbetura në Kategorinë Superiore.
