Leandro Frroku është futbollisti më i ri i Vorës. Mesfushori 22-vjeçar me origjinë nga Puka vendosi që të mbyllte aventurën e tij me Asteras Aktor B në Greqi, për t’u transferuar si lojtar i lirë në Superiore.
“Frroku ka qenë gjithashtu pjesë e përfaqësueseve të moshave të Shqipërisë, duke përfaqësuar fanellën kuqezi nga U-16 deri te U-21, rrugëtim që pasqyron cilësinë, vazhdimësinë dhe potencialin e tij”, shkruan ndër të tjera klubi vorak.
Kujtojmë se 22-vjeçari e ka nisur karrierën e tij te Panathinaikos, ku është formuar si lojtar teksa ka qenë për 10 vite tek Akademia e tij. Nga kryeqytetasit grekë, u largua në janar të vitit 2025, ndërsa tani nis aventurën re në Shqipëri.
