Duket se presidenti i FIFA-s, Gianni Infantino nuk po njeh më limite, duke kaluar çdo “vijë të kuqe”.
Vendimet skandaloze për Kupën e Botës 2026, nuk ishin të vetme, të cilat po vazhdojnë.
Sipas informacioneve nga “The Times”, Infantino po mendon t’i heq finalen e Kupës së Botës Spanjës. Ky edicionin është planifikuar të mbahet mes Spanjës, Portugalisë dhe Marokut, ndërsa kreu i institucionit më të rëndësishëm në futbollin botëror, thuhet se ia ka ofruar organizimin e finales së madhe Marokut.
E gjithë kjo “skemë”, përkon me detajin se Infantino po përballet me një “valë” sulmesh nga vendet e Europës, të cilat nuk e duan më në drejtim të FIFA-s, ndërsa Marokut është shfaqur si aleati më i madh i 56-vjeçarit për rikandidim.
