Skuadra e Basanias ka pësuar shumë ndryshime në organikë, por edhe në mënyrën e funksionimit dhe detaje të tjera. Organizimi i ri që është bërë në klub, po jep frutet e veta dhe kjo shikohet edhe në përbërjen që skuadra tashmë ka.
Prej disa ditësh ndërkohë me Basanian është bashkuar edhe mbrojtësi nga Bregu i Fildishtë Hamed Titan Konate. Ai është 20 vjeç dhe luan në qendër të repartit të prapavijës. Ky emër nuk është i panjohur për kampionatin shqiptar sepse për dy sezone ka qenë pjesë e Laçit në Superiore.
Disa probleme kontraktuale ka bërë që ai të ndërpresë marëdhëniet me këtë klub dhe menaxherët që janë pranë tij i kanë sugjeruar Basanian dhe si rrjedhojë marrëveshja është arritur dhe ai tashmë është vënë në dispozicion të trajnerit Shytani.
Konate sëbashku me Dibrën, Bushajn e ndonjë tjetër ofrojnë garanci për qendrën e mbrojtes dhe padyshim që nga Basania këtë sezon priten rezultate më të mira.
Burimi: Gazeta “SHKODRA SPORT”
