Kater dite me pare Presidenti i Republikes z. Ilir Meta i akordoi titullin e larte “Mjeshter i Madh”. Sigurishte qe Jetmir Kuçi e meriton per ate karriere te shkelqyer si sportist, por edhe per kete aktualen si trajner i nje boksiereje qe ka arritur te shpallet nenkampione Europe.
Deri ketu gjithçka eshte OK, pavaresisht se ka nga ata qe mendojne se tituj te tille duhet fillimisht t’u jepen atyre qe jane me te vjeter ne moshe.
Por ne rastin e Jetmir Kuçit ka nje absurditet tjeter. Ai prej me teper se 10 vitesh eshte i papune. E kemi fjalen per nje pune ne shtet sepse ai ka kryer Fakultetin e Edukimit Fizik prane Universitetit “Luigj Gurakuqi” por nuk i eshte dhene mundesia te punoje qofte edhe nje dite te vetme si mesues i edukimit fizik.
Per çudi, te gjithe ata me te cilet e ka kryer shkollen njekohesisht jane sistemuar ne pune, por per kete “Mjeshter te Madh” nuk ka patur vend!!!
Ai duke patur aftesite e duhura, kuptohet qe nuk ka qendruar pasiv dhe nuk ka pritur pafund, por punon ne nje palester private sepse i duhet te mbaje familjen e tij, por shteti nuk ka bere asgje per te.
Ndonese ai eshte nje kampion i madh, ndonese se fundi ka marre edhe titullin “Mjeshter i Madh” serish per te nuk ka vend ne arsim sepse duhet te hyje ne portal e te jete i pari.
Jetmir Kuçi e ka edhe intelektin per te qene i tille, por angazhimi me sportin, ndoshta e ka lene pak prapa dhe institucionet shteterore nuk duan t’ia dine per kete gje. Per ta “rregulli” duhet zbatuar pikerisht tek ai, ndonese zakonisht nuk zbatohet.
Ne Shqiperi nuk ndodh ajo qe ndodh ne shume vende te Rajonit dhe Europes, kur nje sportist dhe nje trajner i permasave te tilla, gezon privilegje te jashtezakonshme, por ketu jo. Sepse ne nuk bejme asgje per te tille njerez.
Dhe ky eshte absurditeti me i madhi sportit ne vendin tone. Jetmir Kuçi nuk mund te punoje si mesues fiskulture sepse “nuk ploteson kriteret”, nderkohe qe ne palestren ku ai stervit çdo vit boksieret, ka edhe prej atyre qe vijne per te bere stervitje dhe per te marre normat e pranimit ne kete Fakultet dhe te gjithe i marrin.
Sepse i stervit nje njeri qe “di te stervise”, por nga ana tjeter nuk per “Mjeshtrin e Madh” nuk ka vend per te punuar si mesues dhe ai detyrohet te vazhdoje te gjeje ndonje palester per te mbajtur familjen. Ja pse, ne kete vend institucionet shteterore duhet te bashkepunojne me njeri- tjetrin dhe kur behet fjale per nje vleresim, ai duhet te jete ne çdo drejtim.
Sepse Jetmir Kuçi vertete ndjehet i vleresuar nga titulli i dhene nga Presidenti, por eshte i zhgenjyer nga neglizhenca e institucioneve te tjera. Vete ai e ka te qarte se “edhe mund te kete gabuar” dhe ne nje prononcim per “Shkodra Sport” do te shprehej:
“Ndoshta kam gabuar edhe une ne kete drejtim sepse duhet te isha mbeshtetur tek ndonje parti politike sepse vetem ashtu mund te ecesh perpara. Une kam menduar se duke qene i suksesshem ne sport, do te hapeshin dyert edhe ne kete drejtim, por nuk qenka keshtu. Te shpresojme se nderimi i fundit nga Presidenti i Republikes te jete nje bonus dhe te me realizohet ajo deshire qe kam une per te punuar si mesues i edukimit fizik”./shkodra-sport.com/
