Mario Mitaj mund të quhet praktikisht i larguar nga Al Ittihad.
Mbrojtësi i Kombëtares ka vendosur të nisë një aventurë të re dhe të bëjë rikthimin në Europë, pas thuajse 2 vitesh në ligën saudite.
Për të konfirmuar edhe më shumë “zyrtarizimin” e largimit e tij, klubi saudit ka gjetur akordin me Neom për mbrojtësin e krahut të majtë Faris Abdi, çfarë bën që Mitaj të vlerësojë ofertat për kapitullin e ardhshëm të karrierës.
Me shumë mundësi, pista që po vlerësohet dhe po fiton më shumë terren është transferimi te Genoa, me palët që janë ende në diskutime, përpara se të arrijnë dakordësinë përfundimtare.
