Prej dy vitesh ka zgjedhur te beje nje jete tjeter, larg Shqiperise dhe per momentin larg boksit, por te gjithe e njohin pikerisht per kete sport. E kemi fjalen per Jozef Sermin, ish- boksierin dhe ish- trajnerin e Vllaznise qe sot ka ditelindjen.
Ai mbush 37 vjeç dhe me kete rast ne emer te redaksises se gazetes “Shkodra Sport” dhe gjithe lexuesve te saj i urojme edhe 100 vite te tjera te lumtura!
Jozef Sermi Ka lindur në Shkodër më 13 maj 1986 dhe angazhohet që në moshë të re me sportin e boksit, aty ku sukseset nuk do t’i mungojnë, fillimisht me grupmoshat dhe më pas edhe me të rriturit.
Me këta të fundit do të shpallet kampion i Shqipërisë në vitin 2004 në peshën 91 kg, pra vetëm 18 vjeç, çka tregon për një karrierë të nisur në mënyrën më të mirë të mundshme.
E përsërit këtë gjë edhe në vitin 2006 duke fituar titullin e dytë, por vetëm kaq. Një dëmtim serioz e detyron atë të lërë sportin por kurrsesi nuk mund të largohej nga boksi.
Nis menjëherë detyrën e trajnerit duke punuar me moshat ndërkohë që me pas është i angazhuar edhe me ekipin e parë te Vllaznise e po ashtu ka qene edhe pjesë e stafit të ekipit kombëtar.
Prej marsit te vitit 2021, nderkohe eshte larguar bashke me familjen e tij drejt Shteteve te Bashkuara te Amerikes ku per momentin eshte larg sportit, por ai nuk e perjashton mundesine qe te rikthehet serish prane tij sepse boksi eshte jeta e Jozef Sermit.
Gjergj KOLA
