Vllaznia e basketbollit te meshkujve sivjet per here te pare ne historine e saj ka rene nga kategoria. Nje deshtim qe “i mbeti ne dore” trajnerit Damian Bekteshi dhe basketbollisteve aktuale, por qe ne fakt ishte paralajmeruar prej kohesh. Nje deshtim absurd ne pamje te pare kur ke parasysh se pikerisht diçka se nje vit me pare po ky trajner e çoi kete ekip deri ne finalen e kampionatit dhe ishte shume prane shpalljes kampion.
Po çfare ndodhi sivjet? Vete trajneri Bekteshi ne nje interviste per “veriusport” pas ndeshjes se djeshme ndaj Kamzes, eshte shprehur se apelet e tij te herepashershme per mbeshtetje rane ne vesh te shurdher. Por nga ana tjeter, ai ne prononcimin e tij ben apel per reagim te strukturave perkatese sepse nese kjo nuk ndodhe, shume prane jane edhe deshtimet e ekipeve te tjera te lojerave me dore.
“Kishim shume shpresa qe edhe sivjet do te benim nje paraqitje te mire, por mungesa e financave na krijoi shume boshlleqe ne ekip. Une ne fakt e kam paralajmeruar shume here qe do te vinte kjo kohe, por askush nuk e mori parasysh dhe fjalet e mira rane ne vesh te shurdher.
Kerkush nuk eshte afruar dhe as e mori mundimin per te bere diçka per ekipin. Shpresoj shume qe serish fjalet e mia te mos bien ne vesh te shurdher dhe jo vetem per ekipin e basketbollit te meshkujve, por per te gjithe lojerat me dore ne Shkoder.
Kjo sepse sot e kisha une deshtimin, neser do ta kene ekipet e tjera nese do te vazhdojme me kete situate. Dhe kjo eshte keqardhje jo vetem per mua si trajner i ekipit te basketbollit, por edhe si sportdashes i ketij qyteti”- eshte shprehur trajneri Bekteshi./SHKODRA-SPORT.COM/
