Ka nisur diten e sotme turneu i 24-te nderkombetar i boksit “Adem Jashari” qe ështe në kalendarin zyrtar të EUBC dhe IBA, turne i cili do te zhvillohet per dy dite me rradhe ne në Palestren e Sporteve 1 Tetori në Prishtine.
Pjese e ketij turneu jane edhe tre boksiere te kombetares shqiptare e pikerisht Besjor Gjetaj i cili konkurron ne peshen 75 kg, Bekim Vjerdha ne peshen 80 kg dhe Redis Karaj ne peshen 86 kg. Ata shoqerohen ne kete aktivitet nga trajneret Zef Gjoni dhe Jetmir Kuçi.
Perveç tyre, pjesmarres ne kete turne jane edhe boksiere te tjere nga Bulgaria, Zvicra, Sllovakia, Itali, Maqedonia e Veriut, Rumunia dhe Kosova.
Sipas kalendarit paraprak, sot eshte ngjitur ne ring boksieri shkodran Besjor Gjetaj i cili ka patur perballe boksierin e perfaqesueses se Maqedonise se Veriut Bunjamin Imeri. Gjetaj ka bere nje ndeshje shume te mire duke fituar dhe duke u kualifikuar kesisoj per ne finalen e neserme.
Dy boksieret e tjere te kombetares shqiptare Vjerdha dhe Karaj, me short kane kaluar direkt ne finalet e neserme. Ne kete menyre dita e neserme pritet me interes per te pare prezantimin ne ring te tre boksiereve te kombetares shqiptare, duke shpresuar natyrisht edhe tek suksesi i tyre./SHKODRA-SPORT.COM/
