Pas fitores së parë të arritur pak muaj më parë, boksieri shkodran Marsel Sermi mbrëmë ka arritur edhe fitoren e dytë në boksin profesionist.

Ai ka patur përballë boksierin Mike Dienmunsch 30 vjeç i cili kishte më shumë përvojë, me 8 ndeshje në profesionizëm nga të cilat kishte 6 fitore, 1 barazim dhe 1 humbje ndërkohë që 3 fitore i ka patur me KO.

Ndeshja është zhvilluar në qytetin Grenoble të Francës, qytet në të cilin jetonte edhe boksieri kundërshtar i shkodranit. Nëse ndeshjen e parë Sermi e ka zhvilluar me 4 raunde, në këtë të dytën ka boksuar me 6 raunde. Dhe në fund është shpallur fitues nga gjyqtaria sepse ka zhvilluar një ndeshje më të mirë.

Me këtë fitore Marsel Sermi është rritur me 200 vende në renditjen botërore dhe kësisoj karriera e tij në profesionizëm po njeh rritje. Kuptohet që është ende larg asaj çfarë ai pretendon të arrijë por me këtë ritëm mund t’ia dalë.
© shkodrasport.com