Alban Beqiri ka arritur t’ia dalë duke fituar përballë boksierit të Kenias. Përmes një postimi në faqen zyrtare, klubi shkodran bën me dije se sportisti i kombetares shqiptare ka shkëlqyer në të tre raundet.
Në datën 29 tetor, ai do të ketë përballë boksierin e përfaqësueses së Lituanisë. Në postimin e bërë në rrjetet sociale shkruhej:
“Sapo ka përfunduar ndeshja e peshës 71 kilogramë ndërmjet Alban Beqirit dhe boksierit të përfaqësueses së Kenias. Alban Beqiri zhvilloi një ndeshje shumë cilësore dhe profesioniste duke i fituar të tre raundet.
Me këtë fitore Beqiri kalon në fazën e dytë ku me datë 29.10.2021 do të ketë përballë boksierin e përfaqësueses së Lituanisë. I urojmë shumë sukses dhe arritje në zonën e medaljeve Beqirit.
Po ashtu shpresojmë që ky fillim kaq i mbarë i kombëtares sonë të vazhdojë edhe nesër me dy boksierët tanë Laçi dhe Hysa”.
