BASKETBOLL

Basketbollistët e rinj të Vllaznisë kanë arritur të fitojnë me një rezultat të thellë ndaj Elbasanit në ndeshjen çerekfinale të kampionatit, atë të luajtur mesditën e së dielës në "Qazim Dervishi". Kuqeblutë kanë arritur të fitojnë me rezultatin 75 me 26 dhe pikërisht kjo diferencë tregon më së miri edhe dominimin e tyre në parket. Megjithatë trajneri Roland Koka nuk e konsideron një fitore krejt të lehtë atë, në një prononcim për gazetën "Shkodra Sport" do të shprehej: "Fitorja nuk ka qenë aq e lehtë. Nuk e nisëm mirë ndeshjen megjithatë me kalimin e minutave, çdo gjë foli në favorin tonë dhe ia dolëm me sukses të fitojmë dhe të kualifikohemi për në katërshen e ekipeve më të mira që do të vazhdojnë rrugën drejt fitimit të titullit kampion".

Basketbollistët e Vllaznisë janë kualifikuar për në finale të kampionatit. Ashtu siç pritej, gjithçka është mbyllur në ndeshjen e dytë gjysmëfinale, atë të luajtur pasditen e sotme në "Ramazan Njala" të Durrësit. Objektivi është arritur megjithatë kuqeblutë e trajnerit Sarin nuk është se kanë zhvilluar ndonjë ndeshje perfekte. Atyre i ka mjaftuar perioda e katërt për të mundur Teutën, ndeshje që kishte rivalitet në shumicën e kohës.

Vllaznia në basketboll për meshkuj ka bërë detyrën duke e fituar ndeshjen e parë gjysmëfinale ndaj Teutës dhe duke hedhur hapin e parë drejt kalimit në finale. Përballë durrsakëve ajo ka fituar pa shumë vështirë me rezultatin 93-56. Me përjashtim të periodës së parë, në pjesën tjetër skuadra shkodrane dominoi në parketin e "Qazim Dervishit". Teuta tenton në start të befasojë Vllazninë, por shpejt skuadra vendase merr komandën e lojës dhe udhëheq 41-27.

Ka zhgënjyer Vllaznia në basketboll për meshkuj. Në ndeshjen finale të Superkupës së Shqipërisë, atë ndaj Tiranës, shkodranët kanë bërë një paraqitje për t'u harruar dhe në fund kanë humbur me 26 pikë diferencë duke e lënë këtë trofe në duart e bardhebluve. Takimi është luajtur sërish në "Asllan Rusi" të kryeqytetit por këtë herë pa praninë e tifozëve. Kuptohet që pritej të ishte një sfidë shumë e luftuar nga të dy ekipet por në fakt nuk ka ndodhur kështu.

Ndeshja finale e Superkupës së Shqipërisë në basketboll për meshkuj, ajo në mes Vllaznisë dhe Tiranës, nuk është zhvilluar. Dhuna e ushtruar fillimisht jashtë pallatit të sportit "Asllan Rusi" nga tifozët bardheblu në dëm të shkodranëve, ka vazhduar me zbritjen e tyre edhe në parketin e fushës dhe për rrjedhojë, drejtuesit e Vllaznisë kanë futur ekipin në dhomat e zhveshjes dhe duke parë që në pallatin e sportit nuk kishin sigurinë e duhur, kanë vendosur që të mos e vazhdojnë më ndeshjen.

Sherri vazhdon. Tifozët e Tiranës mësohet të kenë sulmuar pak minuta më parë, një grup tifozësh të Vllaznisë që kishin udhëtuar nga Shkodra drejt kryeqytetit për të mbështetur ekipin e basketbollit në ndeshjen finale të Superkupës. Është rikthyer dhuna në sportin shqiptar. Kësaj here jo brenda apo jashtë stadiumit, por në një pallat sporti, ku pritej të luhej një ndeshje finale basketbolli. Kaos, dhunë dhe tifozë të përgjakur në pallatin e sportit “Asllan Rusi” në Tiranë. Ndeshja mes Tiranës dhe Vllaznisë në basketboll për meshkuj, e vlefshme për Superkupën e Shqipërisë, është ndërprerë dhe përfundimisht dhe nuk dihet se kur do të luhet, të paktën për momentin. Kjo si pasojë e përleshjes së tifozërive, ku tifozët bardheblu kanë sulmuar ata miq të ardhur nga Shkodra.

Pasditen e së enjtes, në Tiranë do të zhvillohet finalja e Superkupës në basketboll për meshkuj në mes ekipeve të Vllaznisë dhe Tiranës. Natyrisht që është një ndeshje e cila pritet me interes në kampin shkodran dhe kuptohet që objektivi do të jetë fitorja e këtij trofeu. Njëri nga pjestarët e stafit teknik të kuqebluve, trajneri Bledar Gjeçaj në një prononcim për "SHKODRA SPORT" shprehet se Vllaznia ka treguar edhe më përpara se mund të fitojë ndaj këtij kundërshtari dhe këtë gjë, do të tentojë ta bëjë edhe në këtë finale. "Normalisht që ne jemi gati për këtë ndeshje të Superkupës.

"Lufta" ka nisur. Tirana apo Vllaznia? Kush do të jetë skuadra kampione e Shqipërisë në basketboll për meshkuj këtë sezon? Në secilin kamp betohen se do jenë ata kampionë. Por basketbollisti shkodran Nikolin Arra nuk mendon kështu. "Edhe dy sezone të tjera kur jemi përballur në finale me Tiranën, në mënyrë të çuditshme në media apo në opinion, kundërshtari konsiderohej favorit për titullin. Sfidat finale në fakt treguan tjetër gjë. Ishim ne që u shpallëm kampionë dhe besoj se kështu do të ndodhë edhe këtë herë. Përsëri Tirana konsiderohet favorite sepse ka bërë një investim të madh për të krijuar këtë ekip që ka sivjet. Por duket se na nënvlerësojnë.

Klubi i basketbollit Golden Eagle Ylli me mbështetje të komunës së Suharekës dhe në bashkëpunim me federatën e basketbollit të Kosovës organizojnë ndeshjen memoriale “Agu i Lirisë”.“Agu i Lirisë” organizohet për të përkujtuar pjestarët e skuadrës së Yllit si drejtori Sedat Berisha së bashku me dy fëmijët e tijë Drilonin dhe Dafinën,basketbollistin Bujar Berisha dhe gruan e tij basketbollistën Flora Berisha dhe dy djemtë Vlorianin dhe Edonin ,të vrarë gjatë luftës së fundit në Kosovë nga shovinistët serbë.

Chris Olivier është blerja e rradhës për ekipin e basketbollit të Vllaznisë. Amerikani është prezantuar sot nga ana e inspektorit të klubit shkodran Astrit Zaganjori dhe pritet të jetë një pikë shumë e rëndësishme për këtë skuadër në luftën drejt titullit kampion. Në prononcimin e tij të parë si basketbollist i kësaj skuadre, Olivier shprehet i kënaqur me pritjen që ka gjetur në Shkodër dhe premton se do të bëjë më të mirën që Vllaznia të shpallet kampione.