BOKS

Janë larguar mëngjesin e sotëm nga Shkodra dhe më pas nga Shqipëria por me premtimin se do kthehen sërish edicionin e ardhshëm të Memorialit të boksit që zhvillohet në qytetin tonë. E kemi fjalën për ekipin italin që u shpall më i miri në edicionin e sivjetëm. E ka thënë këtë gjë në emër të ekipit, trajneri Raffaele Bergamasco që për gazetën online www.shkodrasport.com do të shprehej: “Kemi fituar vendin  e parë dhe besoj se e merituam. Të tre sportistët tanë që zunë vendet e para do marrin pjesë në Olimpiadën e Londrës. Për mua personalisht është hera e parë që vij në Shqipëri dhe para se të vija, më ka folur një miku im shqiptar në Itali për këtë qytet. Jam impresionuar nga pritja që na është bërë dhe Shkodra mendoj se është një qytet I rrallë.

Memoriali ndërkombëtar i boksit "Vllaznia 2012" është mbyllur në mënyrën më të mirë të mundshme për boksierët tanë. Dy vende të parë, një kupë për boksierin më të mirë dhe mbi të gjitha, nivel i lartë boksimi dhe organizim perfekt i aktivitetit. Këto ishin risitë e tij. I pari në ring nga boksierët tanë sonte është ngjitur shkodrani Asmer Bilali. Ndeshja e tij ndaj bullgarit Borisov ka dhuruar shumë emocione tek shikuesit e shumtë që kishin mbushur plot e përplot pallatin e sportit. Ata kanë qëndruar gjatë gjithë kohës në këmbë sepse në të tre raundet ka dominuar Bilali me grushtet e tij duke bërë që fitorja të mos vihej asnjëherë në dyshim. Këtë e tregon edhe diferenca e madhe e pikëve në fund të takimit e dalë nga kompjuteri I gjyqtarisë. Fitorja e Bilalit I ka çuar në delir të gjithë shkodranët dhe përfaqësuesit e ekipit tonë.

Sot janë zhvilluar ndeshjet e ditës së dytë të Memorialit të nëntë ndërkombëtare të boksit "Vllaznia 2012". I pari në ring ditën edjeshme, ka qenë Elsid Kalemi në peshën 56 kg. Ai ka bërë një ndeshje shumë të mirë duke e dominuar ndeshjen ndaj ekuadorianit Quipo. Kjo fitore ngjallte shpresat e mëdha për të tjerë suksese të sportistëve tanë.Në peshën 64 kg, boksieri shkodran Kristian Shytani ka reaguar mjaft mirë ndaj italianit Mangiacapre që është nënkampion bote, duke rivalizuar deri në fund dhe boksieri italian ka fituar vetëm me pikë ndaj të riut shkodran. Edhe sfidat e tjera kanë patur brenda shumë rivalitet ndërkohë që interesi i madh i sportdashësve shkodranë ka qenë tek përballja e Asmer Bilalit me ekuadorianin Anderson Rojas.

Ka startuar dje pasdite në Shkodër Memoriali ndërkombëtar i boksit "Vllaznia 2012". Aktiviteti më i rëndësishëm i këtij sporti, nga viti në vit njeh arritje të tjera teksa shtohet numri i ekipeve pjesmarrëse, shtohet cilësia e boksierëve pjesmarrës dhe prania në edicionin e sivjetëm e boksierëve që janë kampion olimpik, kampion bote, kampion Europe dhe kampion Afrike, ia ka rritur edhe interesin me të cilin ai shihet nga pjesmarrësit. Në momentet e fundit, nuk kanë mundur të sigurojnë biletat e ardhjes në Shqipëri, tre ekipe afrikani pikërisht Nigeria, Gambia dhe Sri Lanka, e për rrjedhojë numri i ekipeve pjesmarrëse në Memorialin "Vllaznia 2012" tashmë është 11. Aktiviteti ka nisur me rreshtimin e ekipeve pjesmarrëse, të cilat i ka përshëndetur në emër të organizatorëve pikërisht shefi i klubit Vllaznia Gëzim Mema.

Gjatë ditës së sotme, kanë mbërritur në Shkodër të gjithë ekipet me sportistët që do boksojnë në Memorialin e nëntë ndërkombëtar të boksit "Vllaznia 2012". Në të, do marrin pjesë plot 15 shtete nga e mbarë bota dhe për më tepër, pjesmarrës do jenë kampionë olimpikë, kampionë bote, kampion Mesdheu dhe kampionë Afrike. Tashmë çdo gjë duket gati për nisjen e tij teksa në Shkodër gjatë ditës së sotme kanë mbërritur boksierët e të 15 shteteve pjesmarrëse nga e mbarë bota, që janë pritur në Rinas nga përfaqësues të klubit Vllaznia dhe janë sistemuar në hotelet e këtij qyteti, pikërisht tek "Colosseo", "Rozafa", "Argenti" dhe "Kaduku". Një pjesmarrje e tillë është shumë e veçantë sepse është aktiviteti më i madh sportiv që është zhvilluar ndonjëherë në Shkodër.

Rëndësia e Memorialit të nëntë ndërkombëtar të boksit "Vllaznia 2012" që starton nesër në Shkodër, rritet edhe më tepër nga niveli i lartë i boksierëve pjesmarrës. Kështu, kanë mbërritur sot për të marrë pjesë boksierët e 14 shteteve të ndryshme teksa mes tyre ka patur edhe jo pak emra të mëdhenj të këtij sporti. Kuptohet, që sportisti më me emër që merr pjesë në këtë Memorial është padyshim Roberto Cammarelle. Italiani në fjalë është kampion olimpik në "Pekin 2008", dy herë kampion i botës në Çikago më 2007 dhe në Milano më 2009, kampion i Mesdheut dhe fitues i shumë trofeve të tjerë. Ai, menjëherë pas mbërritjes në Shkodër dhe sistemimit bashkë me ekipin italian në hotel "Colosseo", ka pranuar me kënaqësi të intervistohet nga gazeta online www.shkodrasport.com teksa ka thënë:

Afrimi i Memorialit "Vllaznia 2012" sigurisht që ka shtuar emocionet tek organizatorët sepse edicioni i sivjetëm i tij, pritet të jetë më i madhi që është zhvilluar ndonjëherë. Më së shumti, këto emocione shihet tek trajneri i mirënjohur Zef Gjoni që është njëkohësisht edhe inisiatori kryesor i zhvillimit të këtij aktiteti shumë të rëndësishëm. Por nëse ai ka emocione për ndeshjet që do luhen, gjatë këtyre ditëve ka kaluar jo pak stres edhe sa i takon organizimit dhe kryesisht sigurimit të anës financiare. Në një prononcim të tij të sotëm për gazetën online shkodrasport.com, do të shprehej: "Çdo gjë sa i takon stërvitjes dhe bërjes gati të sportistëve është në rregull. Por vazhdojmë të kemi këto problemet e organizimit sepse ana financiare e mbulimit të këtij aktiviteti na ka lodhur jo pak. Bashkia Shkodër edhe njëherë tjetër në la në baltë sërish duke akorduar vetëm një fond të vogël ndërkohë që vetëm falë shokëve dhe miqve, shkodranëve që jetojnë në Tiranë apo qytete të tjera, kemi arritur të sigurojmë diçka dhe në këtë mënyrë turneu do bahet".

Kërkesa për të marrë pjesë në Memorialin ndërkombëtar të boksit “Vllaznia 2012” ka qenë shumë e madhe. Këtë e ka konfirmuar inspektori i Federatës Shqiptare të Boksit Migen Pero  i cili sëbashku me sekretarin e kësaj Federata Edmond Kabashi, kanë qenë dje në Shkodër për të biseduar rreth përgatitjeve që po bëhen për këtë aktivitet. Sipas Peros, të gjitha kërkesat e ardhura për të marrë pjesë në memorialin që nis më datë 9 mars nuk janë miratuar ngaqë nuk janë mundësitë për të pritur kaq shumë sportistë nga e mbarë bota. "Kemi patur rreth 25 kërkesa nga e mbarë bota por nuk kemi mundur t'ua plotësojmë të gjithëve kërkesën ngaqë tre ditë aktivitet janë dhe pjesmarrja do jetë paksa më e kufizuar. Them se do jetë një aktivitet që do ketë përmasa të mëdha dhe prandaj po marrim të gjitha masat që gjërat të shkojnë ashtu siç duhet"-ka thënë ai.

Kërkesat për të marrë pjesë në Memorialin “Vllaznia 2012” po shtohen çdo ditë e më tepër. Pas 15 shteteve që kishin konfirmuar pjesmarrjen , dy ditët e fundit kanë ardhur edhe dy konfirmime të tjera. Lajmi është konfirmuar nga Federata Shqiptare e Boksit teksa bëhet e ditur se edhe Bullgaria dhe Serbia kanë shprehur gatishmërinë e tyre për të marrë pjesë në këtë aktivitet të rëndësishëm ndërkombëtar. Bashkë me ta, ka shkuar në 17 numri i ekipeve megjithatë organizatorët ende nuk janë shumë të qartë nëse duhet të pranojnë më ekipe apo jo. Kjo ngaqë ata kanë patur probleme me anën financiare për mbarëvajtjen e aktivitetit.

Dy boksierët e Vllaznisë Asmer Bilali dhe Kristian Demaj nuk kanë mundur dot të hyjnë në zonën e medaljeve ashtu siç pretendonte para nisjes për në Bullgari trajneri I tyre Zef Gjoni. Të dy këta boksierë kanë patur edhe fatin e keq që të ndeshen që në turin e parë me disa nga boksierët më të fortë, pjesmarrës në këtë turne. Kështu Bilali në peshën 69 kilogramë, ka patur përballë boksierin nga Korea Kim Jung me të cilin ka humbur me pikë me rezultatin 18-11. Boksieri tjetër shkodran Kristian Demaj këtë herë ka konkurruar në një peshë të re për të, atë 81 kilogramë. Përballë tij ka qenë një kundërshtar shumë I fortë, armenasi Artur Kaktrian me të cilin ka bërë një ndeshje shumë të bukur megjithatë në fund ka dalë I humbur me rezultatin e ngushtë 13-11.