BOKS

Për dy ditë me rradhë në Tiranë këtë fundjavë do të zhvillohen finalet e Kupës së Shqipërisë në boks. Në të do të marrin pjesë boksierët më të mirë të vendit si dhe disa nga boksierët më të mirë të Kosovës. Edhe në këtë aktivitet pritet të jetë një rivalitet i fortë midis disa ekipeve dhe kryesisht mes Vllaznisë dhe Tiranës. Këto dy skuadra ishin rivalet kryesore në kampionatin e fundit që u fitua nga shkodranët dhe në përfundim të tij, pjestarë të ekipit tiranas, patën bërë jo pak zhurmë se gjoja fitorja e Vllaznisë ka qenë e pamerituar.

Duhet të zhvillohej në Shkodër por në mbledhjen e fundit të kryesisë së Federatës Shqiptare të Boksit është vendosur që Kupa e Shqipërisë të zhvillohet në Tiranë në datat 8-10 dhjetor. Aktiviteti i dytë më i rëndësishmë kombëtar pas kampionatit do ketë edhe një ndryshim tjetër sepse në të nuk do marrin pjesë thjesht vetëm ekipet shqiptare por do jetë mbarëkombëtar.

Sukseset për boksierët shkodranë nuk kanë fund për vitin 2011. Pasi janë shpallur më të mirët në vend, pasi kanë përfaqësuar denjësisht Shqipërinë në Kampionatin Botëror, pasi i kanë dhuruar dy medalje të arta Shkodrës në turneun e rëndësishëm "Gongu i Artë" i Maqedonisë, vijnë edhe dy suksese të tjera. Janë sërish dy boksierët, Asmer Bilali dhe Kristian Demaj që kanë triumfuar edhe në kupën "Adem Jashari" që u zhvillua për dy ditë me rradhë në Prishtinë dhe Ferizaj të Kosovës.

Boksieri i Vllaznisë dhe i ekipit tonë kombëtar të boksit, Kristian Demaj pasi ka arritur të shpallet kampion i vendit një muaj më parë dhe pasi ka fituar medalje të artë në "Gongun e Artë" që u zhvillua në Maqedoni, tenton suksesin edhe në aktivitetin e rradhës. Bëhet fjalë për kupën "Adem Jashari" që do të zhvillohet më 25-26 nëntor në Prishtinë dhe Ferizaj. Në këtë aktivitet do marrin pjesë mbi 10 shtete megjithatë synimet e boksierëve tanë janë për vende të para.

10 boksierët e ekipit kombëtar shqiptar ditën e shtunë kanë kryer të gjitha testet e duhura mjekësore në një klinikë të specializuar dhe për më tepër nga doktorë specialistë të ardhur nga Mali i Zi, Serbia dhe Kroacia. Të gjitha këto kontrolle janë ofruar falas nga klinika "Internacional Medica Center" me qendër në Shkodër.

Për boksierët nuk ka asnjëherë pushim. Pas pjesmarrjes dhe suksesit në "Gongun e Artë" të Maqedonisë, për ta vjen një tjetër pjesmarrje në një aktivitet ndërkombëtar. Bëhet fjalë për kupën "Adem Jashari" që zhvillohet çdo vit në Prishtinë me rastin e Festës së Pavarësisë. Edhe sivjet, pjesmarrja pritet të jetë e gjerë nga shumë vende të rajonit dhe Europës.

Për momentin është një supozim por me shumë mundësi, nga java e ardhshme mund të kthehet në një realitet. Deputeti I Parlamentit shqiptar, Tom Doshi mund të bëhet presidenti I ri I Federatës Shqiptare të Boksit. Propozimi I është bërë nga njerëz të këtij sporti dhe deputeti më I pasur I parlamentit shqiptar nuk ka qenë kundër kësaj ideje, madje e ka mirëpritur atë.

Për boksierin e Vllaznisë dhe të ekipit tonë kombëtar Kristian Demaj, suksesi që ekipi jonë kombëtar arriti në “Gongun e Artë” turneun e rëndësishëm që u zhvillua në Shkup të Maqedonisë pak ditë më parë, është për t’u veçuar. “Kemi marrë pjesë me 4 boksierë, nga të cilët u siguruan dy medalje të arta e një e argjendtë, ky është një sukses I madh për boksin shqiptar sepse pjesmarrës në këtë aktivitet ishin 14 shtete”-ka thënë ai për www.shkodraport.com.

Tre boksierët e kombtëtares shqiptare të boksit, Asmer Bilali, Serxhio Sina e Kristian Demaj, kanë mundësinë të fitojnë vendet e para dhe medaljet e arta në turneun që po zhvillohet në Shkup të Maqedonisë dhe që emërtohet "Gongu i Artë".

Dy boksierët shkodranë, Asmer Bilali dhe Kristian Demaj i kanë sfiduar të gjithë kundërshtarët në peshat e tyre dhe kanë zënë vendet e para duke marrë edhe medaljet e arta në "Gongun e Artë". Ndeshjet finale të këtij aktiviteti të rëndësishëm që u zhvillua për tre ditë me rradhë në kryeqytetin e Maqedonisë, Shkup në këtë mënyrë janë konkretizuar me sukses për dy boksierët e Vllaznisë.