FUTBOLL - KATEGORIA E PARE

Dita e sotme mësohet të ketë qenë e ngarkuar për drejtuesit e klubit Vllaznia sepse kanë mbyllur procesin e firmosjes së kontratave me futbollistët që do të përfaqësojnë "Vllazninë B" në kampionatin e ri që do të startojë pikërisht pas dy ditësh.

Në serinë e miqësoreve që "Vllaznia B" ka organizuar në prag të nisjes së kampionatit të kategorisë së parë, pasditen e sotme ajo do të luajë ndeshjen e rradhës. Përballë saj do të jetë ekipi i njohur i Besës së Kavajës. Takimi do të luhet në orën 16.30 në fushën sportive "Reshit Rusi" dhe do të jetë një test serioz për të dy ekipet 8 ditë para nisjes së kampionatit.

Pasditen e sotme në fushën sportive "Reshit Rusi" duhej të ishte zhvilluar ndeshja miqësore Vllaznia B- Besa e Kavajës, por kjo nuk ka ndodhur. Arsyeja është se ekipi mik nuk ka udhëtuar fare drejt Shkodrës duke zhgënjyer në këtë mënyrë futbollistët dhe stafin teknik të ekipit shkodran. Te pranishem kane qene edhe arbitrat nderkohe qe futbollistet shkodrane e pritnin me interes nje perballje te tille.

Shkodra është rasti i rrallë i qytetit, që ka dy skuadra futbolli në kategoritë më të larta të futbollit shqiptar, Vllazninë në Superiore dhe Vllazninë B në Kategorinë e Parë. Sigurisht, kjo e dyta nuk mund të ngjitet në elitë, pasi nuk ka sens që të ndeshet me Vllazninë, por edhe prania e saj në Kategorinë e Parë është një arritje e madhe. Shumë skuadra të tjera të mëdha në vend kanë pasur skuadrën e tyre të dytë vitet e fundit, por që ka qenë pjesëmarrëne në Kategorinë e Dytë.

Një tjetër fitoren e miqësoreve për "Vllazninë B". Ditën e sotme ajo ka zhvilluar ndeshjen e rradhës me ekipin U-19 dhe ka fituar ndaj tij me rezultatin 2-1. Për kuqeblutë e trajnerit Kraja kanë shënuar në pjesën e parë Balaj pikërisht në minutën e 35-të ndërsa në të 70-tën ka shënuar Hajdari ndërsa në minutat e fundit të ndeshjes, të rinjtë shkodranë kanë shënuar golin e vetëm për ta.

Faza përgatitore e ekipit të dytë të klubit Vllaznia po shkon drejt përfundimit. Tashmë futbollistët dhe stafi teknik janë duke i dhënë fund përgatitjeve për ndeshjen e parë të kampionatit që do të luhet fundjavën e ardhshme. Natyrisht që një nga prioritet e trajnërëve ka qenë konsolodimi i formacionit të parë. Për këtë arsye janë zhvilluar disa miqësore dhe madje do të ketë edhe një tjetër të fundit pas dy ditësh ndaj Besës.

Përgatitjet e sezonit të ri futbollistik vazhdojnë për Vllazninë B vazhdojnë. Përveç stërvitjeve të përditshme, stafi teknik vijon punën për konsolidimin e ekipit dhe për këtë arsye po zhvillon edhe disa ndeshje miqësore. Për këtë javë, e fundit e përgatitores para nisjes së kampionatit, trajneri Ervis Kraja ka planifikuar edhe dy miqësore të tjera.

Dy ditë më parë është prezantuar edhe shorti i Kupës së Shqipërisë për sezonin e ri futbollistik. Në të do të marrin pjesë ekipet e Superligës dhe ato të kategorisë së parë. Por çuditërisht në mes këtyre ekipeve mungon Vllaznia B e cila siç dihet merr pjesë sivjet për herë të parë në kategorinë e parë. Në vend të saj në mënyrë të padrejtë është rregjistruar ekipi i Vorës i cili u rendit pas shkodranëve në kampionatin e kategorisë së dytë.

Prej dy sezonesh ka punuar fort dhe natyrisht që kur ke sukses, ndjehesh i lumtur. Kështu i ka ndodhur ish- futbollistit të Vllaznisë Ervis Kraja i cili pas lënies së sportit, ka nisur karrierën e trajnerit. Pa pretendime të mëdha, mori përsipër drejtimin e ekipit Vllaznia B me të cilën filloi rrugëtimin nga kategoria e tretë. Pa u mërzitur, punoi fort dhe pas një sezoni, bashkë me të e pa veten një kategori më lart.

Afrimi i nisjes së sezonit të ri futbollistik ka vënë në lëvizje të gjithë ekipet e KF Vllaznia. Përveç ekipit të parë, edhe dy ekipe të tjera të tij po zhvillojnë ndeshje të ndryshme miqësore. Kështu, pasditen e së mërkurës "Vllaznia B" do të ndeshet me Vllaznia U-19. Ndeshja do të nisë në orën 17.30 në fushën sportive "Reshit Rusi".