FUTBOLL

Ekipi I Vllaznisë është në përgatitjet e fundit për ndeshjen përmbyllëse të kampionatit, atë që do të zhvillojë ditën e shtunë në orën 17.00 në stadiumin “Loro Boriçi” me Teutën e Durrësit. Kjo e fundit është ende në lojë për të siguruar një vend që do ta çonte atë në Kupat e Europës, prandaj ndeshja pritet të jetë e hapur. Megjithatë në kampin shkodran ka optimizëm për marrjen e të paktën një barazimi, që do t’I siguronte edhe matematikisht atyre qëndrimin në Superligë. Objektivi kryesor gjithsesi do të jetë fitorja e këtij takimi të fundit të kampionatit, për t’I bërë një mbyllje ashtu si duhet një sezoni shumë stresues që kanë kaluar sivjet.

Malazezi i portës shkodrane, Mirosllav Vujadinoviç, ka qenë pa dyshim një nga më të mirët në takimin e fundit me Besën. Ndërhyrjet e tij decizive bënë që shkodranët të merrnin një pikë mjaft të vlefshme përballë një rivali direkt në luftën për mbijetesë siç është Besa. Në fakt, Vujadinoviç ka qenë i kritikuar për lojërat e tij jo në nivelin e duhur në disa takime, por mesa duket ky ka qenë një shpërblim që ka bërë në momentin e duhur. Në një bisedë për gazeten, portieri i Vllaznisë, Mirosllav Vujadinoviç, është shprehur tepër i kënaqur me atë që kanë arritur përballë kavajasve, por dhe me lojën e treguar nga vetë ai.

Brazimi i djeshëm në Kavajë 0-0 me Besën i ka siguruar thuajse me 90 % qëndrimin në Superligë ekipit të Vllaznia. Ndeshja ka qenë shumë e tensionuar për vetë rëndësinë e saj ngaqë edhe vendasve u duhej patjetër fitorja. Kuqeblutë kanë luajtur mirë duke i kushtuar rëndësi më tepër mbrojtjes. Edhe formacioni që kishte hedhur në fushë Haxhiosmanoviç ishte i tillë. Në pjesën e parë Kruja në dy momente ka rrezikuar portën e Bejtes. Në të dytën ndërkohë është Besa ajo që rregullon lojën e saj dhe krijon disa raste të pastra por Vujadinoviç është në një ditë të mirë duke e shpëtuar disa herë portën e tij.

Skuadra e Vllaznisë duket e angazhuar në maksimum për të marrë një rezultat pozitiv në takimin e nesërm me Besën. Për këtë arsye, edhe drejtuesit e klubit kanë vendosur t'ia plotësojnë të gjitha kërkesat stafit drejtues duke e mmbyllur ekipin "në karantinë". Pas stërvitjes së djeshme të zhvilluar në stadiumin "Loro Boriçi", ekipi ka udhëtuar drejt Durrësit ku do qëndrojë deri mesditën e nesërme. Kuqeblutë janë grumbulluar në hotel "Leonardo" në kushte mjaft të mira dhe tashmë prej tyre pritet një paraqitje e mirë në fushën e lojës. Në dispozicion të trajnerit Haxhiosmanoviç janë të gjithë futbollistët dhe kjo do t'ia bëjë atij më të lehtë punën për ndërtimin e formacionit.

Sulmuesi kryesor I Vllaznisë, kroati Tomislav Bushiç është I bindur se skuadra shkodrane do të marrë pikë në ndeshjen e së dieleës me Besën në Kavajë. Për të, kuqeblutë duhet të synojnë fitoren në këtë ndeshje sepse vetëm kështu mund të arrihet rezultati I duhur sepse nëse do shkojnë për t’u mbrojtur, mund ta pësojnë. "Kjo është një ndeshje shumë e rëndësishme për ne. Duhet patjetër të kërkojmë fitoren dhe nëse do marrim edhe barazimin jemi në rregull. Por, kurrsesi nuk duhet të luajmë për barazim se mund ta pësojmë"-ka thënë ai.

Pas basketbollit të Vllaznisë, edhe futbolli fiton në fund. Ka ndodhur kështu në ndeshjen e luajtur pasditen e së mërkurës në stadiumin “Loro Boriçi” ndaj Flamurtarit e cila ka përfunduar me fitoren 1-0 të shkodranëve. Këta të fundit kanë shënuar vetëm në fundin e takimit pikërisht në minutën e 88-të me anë të kapitenit Elvin Beqiri. Ndeshja ka patur jo pak tension në fushë. Vllaznisë I duhej medoemos fitorja dhe kjo I ka vënë futbollistët e saj në vështirësi ndërsa Flamurtari kërkonte një barazim. Rastet nuk mungojnë për vendasit. Bushiç, Vukçeviç e Shtubina duhej të kishin shënuar në pjesën e parë megjithatë 45 minutat u mbyllën në barazim 0-0.

Klubi i Futbollit Vllaznia përmes një deklarate për shtyp ka dënuar sjelljen e tifozëve të Tiranën gjatë dhe pas ndeshjes së fundit të luajtur në "Qemal Stafa", shoqëruar edhe me thyerjen e disa xhamave të autobuzëve të tifozëve shkodranë. Për të gjitha këto, shkodranët i kanë paralajmëruar tifozët e Tiranës se në Shkodër ata tani e tutje, "do ta kenë derën e mbyllur". Ja deklarata e plotë për shtyp shpërndarë nga zyra e shtypit e klubit të futbollit Vllaznia:

Humbja me Tiranën me rezultatin 2-1 pasditen e së shtunës, e ka kthyer me këmbë në tokë Vllazninë. Skuadra shkodrane po kalonte vërtetë momente të mira pas 5 fitoreve të arritura rradhazi, madje shumëkush filloi të mendonte për të kapur Europën por gjërat nuk kanë qenë kaq të thjeshta. Në ndeshjen ndaj bardhebluve, Vllaznia ka gabuar. Ndonëse nuk e ka merituar humbjen, ajo gjithsesi ka dalë e zhgënjyer nga “Qemal Stafa”. Bashkë me të edhe tifozët e shumtë që kishin udhëtuar nga Shkodra për ta mbështetur atë. Gabimet në rastet e dy golave të pësuar, mjaftuan që djemtë e Haxhiosmanoviç të fillojnë t’I bëjnë llogaritë ndryshe.