PERSONAZHE

Pak minuta më parë ka ndërruar jetë ish- futbollisti dhe ish-trajneri i Vllaznisë Esat Rakiqi.Muajt e fundit ka vuajtur nga një sëmundje e rëndë dhe megjithatë me shpresën për të qenë aktiv në jetë, kishte udhëtuar drejt kontinentit të largët për t'i qëndruar pranë vajzës së tij që jeton atje por nuk ka ndodhur kështu për shumë kohë. Sëmundja e ka lodhur shumë derisa paraditen e sotme, i ka marrë edhe jetën. Njeriu që ka dhënë një kontribut të madh për klubin Vllaznia dhe jo vetëm atë, tashmë nuk jeton më.

Rragami-Bizi-Zhega! Më shumë se një legjendë është rrëfimi për treshen spektakolare dhe të famshme të futbollit shkodran e atij shqiptar.Një karrierë e filluar me Vllazninë, pastaj transferimi te Partizani e Dinamo dhe sërish te klubi mëmë kur do të bashkohen për t’i dhënë atij qyteti e tifozërisë lavdinë dhe suksesin e merituar, por të munguar ndër vite.

Sot ka festuar bashkë me njerëzit e tij të dashur ditëlindjen. Bashkim Paçrami, ish- atleti dhe gjimnasti kampion, ka mbushur 73 vjeç. Ka lindur pra më 10 shtator 1943 në Shkodër, në një familje që ishte sportive, ngaqë babai i tij- Alia ka qenë futbollist i Vllaznisë në vitet '30 dhe që vazhdoi edhe më pas të bëhej edhe më shumë sportive sepse edhe pjestar të tjerë të saj do të merreshin me sport. Bashkimi e ka nisur me gjimnastikën duke arritur nivele të lartë sepse ishte shumë i aftë dhe i përgatitur. Ai do të merrte pjesë në disiplinën e 6-garëshit gjimnastikor, pikërisht në vitet 1959-60. Ekzekuton me mjeshtëri ushtrimet në unaza dhe kalë me doreza ku fiton dhe kategorinë e parë sportive.

LIN SHLLAKU Shqiptari i vetëm qe thirri Sheni ne përfaqësuese Evropës
(Perse nuk shkoi i pa fati)

Humbja e një futbollisti të kaq madh krijon gjithmonë boshllëk. Humbja një kapiteni legjende, e një njeriu që përket historisë të dhe një miku te pa harruar krijon një zbrazësi qe nuk përmbushet por qe shpërthen ne kujtime te dhimbshme.
Lin Shllaku lindi me 12 korrik 1938 në Shkodër ( Ishte djali i Kole Shllakut nga Palajt e Shllakut dhe nipi i Pjeter Nikes nga Megulla e Pultit)
Udhën e futbollit ka nisur ne Shkodër që kur ishte fëmijë  ku ne shkollën 11 janari e evidentoi si talent mësuesi shembullor Feti Dizdari, i cili ja pati rekomanduar  specialistit te mirënjohur  ish goladorit te gardës se vjetë shkodrane Ernest Helepianit. Pas përfundimit te 7 –vjeçares duke pare talentin  e tij  çunakun e ftoi ekipi i “Fermentimit” te duhanit, duke qenë se premtonte me shume   prej aty kaloj tek “Spartaku “ i Shkodrës. Ne vitin 1953 kur ishte 16 vjeç tekniku Helepiani e beri pjese te ekipit te rive, ndërsa me 1954 kaloi tek “Puna” e Shkodres.

"Enciklopedia e sportit shkodran" është libri i dalë nga shtypi ditët e fundit dhe që i kushtohet tërësisht historisë së sportit shkodran. Një enciklopedi e vërtetë në të cilën përfshihen rreth 3 mijë sportistë, me qindra tituj kampion, medalje e trofe. Autori i këtij libri mbi 700 faqesh është Dashamir Sherja. Për ndokënd nga brezi aktual ndoshta një emër i panjohur por në fakt nuk është i tillë. Ai ka qenë një sportist kampion në atletikë. Ka lindur më 8 dhjetor 1942 në Tiranë por është rritur në Shkodër. Me atletikën dhe Vllazninë e nis herët, që në vitin 1956 por shkëputet prej saj për t'u rikthyer sërish në vitin 1965. Merr pjesë në vrapimet e gjata,konkurron në 5, 10, 20 dhe 30 km vrapim në rrugë, në 3000 m/p dhe maratonë. Në vitin 1965 zë vende të treta dhe të katërta në takimet që zhvillon atletika, pikërisht në garat e 5 mijë dhe 10 mijë metrave. Në nëntor të atij viti fiton garën e maratonës me kohën 2 orë, 43 minuta e 11 sekonda, duke arritur normën e "Mjeshtrit të Sportit", zë vendin e parë edhe si ekip dhe është vetëm pak sekonda larg rekordit kombëtar të kësaj gare.

Ditët e fundit është ndarë nga jeta në moshën 70 vjeçare ish- arbitri i futbollit Musa Bostania. Ai ka arbitruar bashkë me kolegët e tjerë të kolegjiumit të Shkodrës në vitet 1979-86, kryesisht në ndeshjet e kategorisë së dytë si arbitër anësor por është shquar për disa tipare të veçanta që e kanë bërë atë shumë të respektuar nga të gjithë siç kanë qenë ndershmëria dhe korrektësia. Musaja natyrisht që nuk u ngjit në nivele të larta si arbitër megjithatë, është vlerësuar nga të gjithë si një njeri shumë i mirë. Ai kishte disa kohë që vuante nga një sëmundje e cila i mori edhe jetën, ndoshta në mënyrë të parakohshme megjithatë do të kujtohet jo pak nga ato që e kanë njohur, që kanë bashkëpunuar me të dhe që ndoshta edhe janë arbitruar prej tij.

Këto ditë është ndarë nga jeta ish- futbollisti i Vllaznisë Kol Gjoni (Belaj). Mbrojtësi i njohur i viteve '60, kishte disa kohë që vuante nga disa probleme, kryesisht me këmbët e tij megjithatë askush nuk e mendoi se do të ikte aq shpejt. Ndoshta ngaqë të gjithë e kujtonin të fortë siç ka qenë në fushën e lojës kur sulmuesit kundërshtarë e kishin të vështirë ta kalonin atë.

Në vitet '50- '60 shumica e sportistëve nuk garonin vetëm në një lloj sporti por në disa prej tyre. Kështu ka ndodhur edhe me Eqerem Kosovën ose ndryshe siç e thërrisnin të gjithë- Lemi. Ka lindur në Shkodër në vitin 1935 dhe sportin e nis në moshë të vogël por shpejt do të bëhej i njohur, madje jo vetëm në një disiplinë. Ai ka konkurruar me sukses në tre lloje sporti: boks, mundje dhe peshëngritje. Megjithatë suksesin më të madh e ka patur tek boksi ku dhe ka arritur të shpallet kampion kombëtar. Karriera e tij ka zgjatur nga viti 1952 deri më 1958 dhe ka qenë e suksesshme. Në vitin 1952 Lem Kosova duke përfaqësuar Vllazninë në kampionatin kombëtar të boksit që zhvillohej në Durrës, arriti të shpallej kampion në peshën e lehtë. Po në këtë vit, Lemi do të shpallej kampion edhe në sportin e mundjes klasike, në kampionatin që u zhvillua në Elbasan. Titujt kampion nuk do t'i ndahen sepse edhe në vitin 1953 do të shpallej kampion në boks, sërish në peshën e lehtë por këtë herë duke përfaqësuar ekipin e Spartakut të Shkodrës dhe jo atë të Vllaznisë. Edhe në mundje sërish kampion i vendit këtë vit dhe po me Spartakun.

Gani Muriqi ka lindur në Shkodër në vitin 1937 dhe që i vogël, ndoshta duke parë edhe vëllanë më të madh- Fadilin tek stërvitej me biçikletë, vendos të ndjekë rrugën e tij. I futet sportit të çiklizmit me të cilin do të ushtrohej për 13-14 vjet duke fituar disa gara dhe të shkonte deri tek vendi i dytë, ai i nënkampionit të Shqipërisë në Rrethet Çiklistike.