Emanuel Lushi merr pjesë në Kampionatin Botëror të 17 vjeçarëve
Ka mjaftuar heqja e pezullimit nga Federata Botërore e Peshëngritjes për Federatën tonë dhe ajo i është kthyer menjëherë pjesmarrjeve të saj në aktivitetet e rëndësishme ndërkombëtare. Mëngjesin e djeshëm është nisur drejt Sllovakisë peshëngritësi 16 vjeçar shkodran Emanuel Lushi i shoqëruar nga trajneri i kombëtares shqiptare Genc Barkiçi. Ata do të përfaqësojnë vendin tonë në Kampionatin Botëror të 17 vjeçarëve. Sigurisht që ky nuk është momenti më i mirë për të garuar për pshëngritësin e talentuar të Vllaznisë ngaqë ai vjen pas një dëmtimi të vogël që e ka lënë atë dy javë pa stërvitje të plotë megjithatë Lushi ka premtuar se do të bëjë më të mirën në këtë kompeticioni shumë të rëndësishëm.
Palestra e re e shtangës gati, Qerimaj falenderon kryeministrin
Erkand Qerimaj e mbyll në vend të gjashtë Kampionatin Botëror
Petrit Hoxha: Gjendjen e peshëngritjes shkodrane nuk e shoh të mirë
Gjatë këtyre ditëve ka qenë në Shkodër edhe ish- trajneri i Vllaznisë dhe i kombëtares shqiptare të peshëngritjes, Petrit Hoxha. Ai prej vitesh jeton me familjen e tij në Gjermani megjithatë nuk mund të qëndrojë larg vendit të tij të cilin e viziton shpesh. Ka ndodhur kështu edhe këto ditë dhe kur vjen në Shkodër kuptohet që nuk mund të qëndrojë pa takuar ish- sportistë dhe kolegë të tij apo pa vizituar palestrën e peshëngritjes. Ka ndodhur kështu edhe këtë herë megjithatë njeriu që ka nxjerrë një sportist si Dedë Dekaj, një nga më të mëdhenjtë e sportit shqiptar, nuk është shumë i kënaqur me gjendjen e peshëngritjes shkodrane.
Jepini atë që i takon Erkandit!
ZYRTARE/ Erkand Qerimaj merr medaljen e bronztë, doli i treti në kampionatin Botëror
Botërori i peshëngritjes, Qerimaj: Jam më mirë se në Europian
Kampionati i peshëngritjes mund të zhvillohet në Shkodër
Kampionati kombëtar I peshëngritjes për të rritur mund të zhvillohet në qytetin e Shkodrës. Vendimi pritet të merret këto ditë nga kryesia e Federatës Shqiptare të Peshëngritjes. Në fakt, ky kampionat duhej të ishte zhvilluar që në muajin mars si zakonisht, por mos hapja e fondeve nga ana e Qeverisë për këtë federatë, bëri që ky aktivitet të shtyhet. Tashmë fondet e Federatës janë hapur dhe Federata do të organizojë kampionatin e të rriturve. Janë duke u shqyrtuar të gjithë variantet e mundshme dhe organizimi I tij në Shkodër është një mundësi serioze.