UEFA Conference League do të startojë këtë sezon me pjesëmarrjen e skuadrës së Vllaznisë që në turin e parë. Në fakt, vjet ky ekip ishte direkt në turin e dytë si fituese e Kupës së Shqipërisë, por tashmë ndryshe nga viti i kaluar, shkodranët do ta nisin nga turi i parë.
Kështu, këtë edicion Vllaznia do të përpiqet që të shkojë sa më larg në këtë rrugëtim. Megjithatë, mbetet për t’u parë se sa do ta realizojë një gjë të tillë, teksa përballë në short do të ketë ekipe më modeste në letër.
Në fakt, duke përfituar nga koefiçenti më i lartë që Shqipëria ka në klasifikimin e UEFA, ekipi shkodran renditet në vazon e skuadrave më të forta dhe favorite. Prandaj, përballë në short do të kenë ekipe më modeste në letër.
Një derbi i mundshëm shqiptarësh mund të jetë ai me Shkëndijën e Tetovës që renditet në vazon e skuadrave më pak favorite, ndërsa edhe Shkupi mbetet një kundërshtar i mundshëm.
Gjithashtu, edhe Drita e Gjilanit është në vazon e skuadrave jo favorite. Gjithsesi, ndoshta kundërshtari më i dëshirueshëm për të gjithë në turin e parë mund të jetë Sutjeska e Nikshiqit, duke marrë në konsideratë edhe distancën e afërt kilometrike me qytetin e Shkodrës. /Maringlen ZHIVANI/
Kundërshtarët e mundshëm:
1. Dudelanzhi
2. Riga
3. Maribori
4. Shkëndija
5. Linfildi
6. Vaduzi
7. Dunajska Streda
8. Dundalk
9. Alashkert
10. Sutjeska
11. Shkupi
12. Sarajeva
13. RFS
14. Tobol
15. B36 Torshavn
16. Drita
17. Ararat-Armenia
18. Gzira Junajtid
19. Levadia
20. Dinamo Minsk
21. Konahs Kuai Nomads
22. Milsami Orhei
23. HB Torshavn
24. Europa
25. Domzhale
26. Santa Koloma
27. Progres Niderkom
28. Dinamo Batumi
29. Inter Klub D’Eskaldes
30. Krusejdër