Lajmi i bujshëm i merkatos vjen sot nga Anglia, ku raportohet se Interi po përgatitet për merkaton e verës dhe në plan të parë në shtëpinë zikaltër, ka dalë emri i mesfushorit francez, Pol Pogba.
Sipas mediave britanike, Bepe Marota do të prezantohet te Interi pas pak ditësh dhe objektiv kryesor ka mesfushorin që e zbuloi në kohën kur ishte te Juventusi.
Ai është i gatshëm t’i ofrojë “Djajve të kuq” kartonin e mbrojtësit Milan Skriniar dhe të Ivan Perisiç. Pjesa tjetër, mund të paguhet nga Interi në vlerë monetare.
Kujtojmë që Interi po vuan ende sanksionet e UEFA-s për sa i përket transferimeve dhe numrit të lojtarëve në turnetë Champions apo Europa Leuage. Këto sanksione, përfundojnë në verën e vitit 2019 dhe në Angli janë të bindur se mund të bëhet një lëvizje e tillë, pasi vlera e Skriniar dhe Perisiç, arrin deri në 100 milionë euro. /VipSport/
