Pasditen e sotme, Pogradeci ka marre nje barazim 1-1 mjaft te vlefshem ne perballjen e kryesuesve ndaj Elbasanit ne transferte. Kjo sfide kishte tension te larte gjate zhvillimit per vete synimet e te dy ekipeve dhe nje gje e tille ka vijuar edhe pas saj.
Pika qe ka marre Pogradeci ne Elbasan duket se nuk eshte pritur aspak mire nga tifozet vendas. Keta te fundit kane ndjekur autobusin me futbollistet e Pogradecit dhe ne hyrje te Librazhdit e kane sulmuar ate me sende te forta.
Nga fotoja qe ka siguruar “Shkodra Sport”, duket qarte irritimi i tifozeve te Elbasanit, te cilet prisnin me patjeter nje fitore nga ekipi i tyre, c’ka do te ishte mjaft percaktuese per ngjitjen ne Kategorine e Pare, por duket se Pogradeci qe drejtohet nga trajneri shkodran Samuel Nikaj, i ka bere balle mjaft mire edhe me 10-futbolliste skuadres vendase.
Fatmiresisht, nga ky incident nuk ka pasur te lenduar. Megjithate, pyetja qe lind eshte pse gjithe ky tension pas nje barazimi, kur te dy ekipet jane akoma ne loje per ngjitjen ne Kategorine e Pare?
Momentalisht, autobusi i demtuar me ekipin e Pogradecit eshte ndaluar nga Policia, e cila ka nisur hetimet per kete ngjarje te turpshme. Padyshim, mund te thuhet keshtu pasi fundja mesazhi qe percjell futbolli eshte qe duhet te bashkoje dhe jo te ndaje apo te krijohen incidente te tilla, si ne kete rast.
Maringlen ZHIVANI
