Një ditë e veçantë është kjo e sotmja për Vllazninë pasi feston datëlindjen e 103-të. Shkodranët janë themeluar në 16 shkurt të vitit 1919, duke i dhënë futbollit shqiptar prej vitesh emra të spikatur që do të përfaqësonin shtetin tonë nëpërmjet Kombëtares. 103 vite histori, me 9 tituj kampion, 7 Kupa dhe 2 Superkupa.

Urime të shumta kanë ardhur për Vllazninë, por më i veçanti është ai që ka mbërritur së fundmi. Bëhet fjalë për ekipin që garon në nivelet e ulëta në Angli, Sheffield Football Club.

Por simbolika është e madhe pasi bëhet fjalë për skuadrën më të vjetër në botë që ende luan futboll në bazë të njohjes nga FIFA.

“Në këtë ditë, në 1919 u krijua edhe Vllaznia, ekipi shqiptar më i vjetër. Gëzuar datëlindjen”, shkruhet në shqip urimi nga Sheffield Football Club. /Sport Ekspres/

https://twitter.com/sheffieldfc/status/1493933277417246725?ref_src=twsrc%5Etfw%7Ctwcamp%5Etweetembed%7Ctwterm%5E1493933277417246725%7Ctwgr%5E%7Ctwcon%5Es1_&ref_url=https%3A%2F%2Fsportekspres.com%2Fgezuar-datelindjen-vjen-ne-gjuhen-shqipe-vllaznine-e-uron-klubi-i-anglise-qe-eshte-me-i-vjeteri-ne-bote%2F