Torino kërkon një portier të dytë për sezonin e ardhshëm, teksa klubi granata është i bindur për titullarin Vanja Milenkoviç-Saviç. Por, për të qenë të sigurt kërkojnë një të denjë për ta zëvendësuar serbin.
Mes disa emrave, në listë është edhe ai i Etrit Berishës. 32-vjeçari, pjesë e SPAL, do të kishte një mundësi të mirë për t’u rikthyer në Serinë A edhe pse, jo në rolin e protagonistit kryesor.
Në fakt, eksperienca e mëparshme në elitë është edhe arsyeja pse Torino është e interesuar.
Megjithatë, mbetet për t’u parë se si do të shkojnë negociatat dhe nëse Berisha do të bashkohet në një ekip me Mërgim Vojvodën. /VipSport/
