Kastritoi barazoi pa gola në ndeshjen e zhvilluar në Kamëz. Skuadra krutane kishte federuar për këtë ndeshje të gjithë afrimet e verës dhe trajneri Emiljano Cela kishte mundësinë e zgjedhjes.

Vendasit ishin më kërkues, megjithatë rastet e rrezikshme ishin të pakta, në anën tjetër shijakasit tentonin përmes kundërsulmeve që të rrezikonin, megjithatë pa vënë në provë serioze portierin e Kastriotit. Katër minuta para fundit të pjesës së parë mundë të veçohet një goditje nga distanca e Ajazit, por Xhika mbajti të paprekur portën e Erzenit.

Në pjesën e dytë dominuan duelet e ashpra dhe përplasjet mes lojtarëve të të dyja ekipeve, por pa prodhuar mundësi që mund të ndryshonin fatin e kësaj sfide. Kastrioti merr pikën e parë për këtë edicion, duke lënë vendin e fundit, së paku për momentin.

Erzeni shkon në kuotën e katër pikëve, duke konfirmuar nisjen pozitive të këtij edicioni, teksa pas triumfit me Vllazninë javën e shkuar arrin që të barazojë në transfertën e Kamzës dhe aktualisht e sheh veten në vendin e parë të renditjes.