Elseid Hysaj nuk e “harron” Vllazninë. Pasi është stërvitur me të për 2-3 muaj duke mbajtur formën para ndeshjeve të tetorit me kombëtaren, ai më pas u largua drejt Italisë ku po stërvitet tashmë me Empolin, skuadrën e tij të parë.
Por dje është kthyer në Shkodër për ndeshjet e rradhës me kombëtaren, ndërkohë që sot ka nxituar të shkojë tek stërvitja e Vllaznisë dhe të takojë futbollistët e saj. Një përshëndetje shumë miqësore me të gjithë, por Hysaj nuk është larguar menjëherë sepse ka preferuar ta ndjekë seancën deri në fund.
Kjo është diçka vërtetë shumë interesante sepse rekordmeni i ndeshjeve të kombëtares shqiptare ka dashur të jetë sërish pranë futbollistëve kuqeblu me të cilët krijoi afrimitet gjatë periudhës që u stërvit me ta.
Burimi: Gazeta “Shkodra Sport”
