Ne Shkoder vit pas viti shpresojne shume ne fitimin e titullit kampion, titull qe ne fakt i mungon Vllaznise prej 22 vitesh. Hera e fundit qe tifozet kuqeblu i jane gezuar nje feste te tille ka qene viti 2001 dhe pjestaret e ekipit te atij sezoni padyshim qe kane hyre tashme ne histori.
Sot do te ndalemi pikerisht tek tre prej tyre, qe ne fakt ndoshta nuk kane qene nder protagonistet kryesore te atij suksesi, por kane dhene edhe ata kontributin e tyre. Brezi i ri sigurisht qe nuk ka si t’i njohe ngaqe nuk jane shkodrane, por gjithsesi ne do ua risjellim permes kesaj fotoje.
Nje foto qe eshte vene ne dispozicion te redaksise se gazetes “Shkodra Sport” nga fotoreporteri i njohur dhe miku jone Engjell Gjolaj i cili ka fiksuar ne celuloid disa nga momentet kulmore te atij viti, finalizuar me festen e titullit kampion.
E zhvilluar ne ambjentet e Hotel “Rozafa”, ne kete foto jane tre futbolliste kampione te atij ekipi. Behet fjale per tre lojtare qe erdhen nga Mali i Zi, portierin Millosh Krstajiç dhe mesfushoret Valento Camaj (shqiptari nga Tuzi) dhe Sasha Marash.
Dikush me shume dhe dikush me pak, edhe ata ishin pjese e atij suksesi te fundit te Vllaznise dhe padyshim meritojne vleresim dhe respekt per kontributin e dhene per skuadren shkodrane ne ate vit qe ka mbetur ende ne memorien e te gjithe shkodranev.
Njekohesisht, Krstajiç, Camaj dhe Marash kane vend edhe ne panteonin e historise se arte te Klubit te Futbollit Vllaznia, klubit 104 vjeçar qe pret me shume ankth prej vitesh titullin e 10-te kampion./SHKODRA-SPORT.COM/
