Ditën e djeshme Gazeta “Shkodra Sport” i dha fund dyshimeve nëse Esat Mala do të firmoste me Teutën apo me Ballkanin duke deklaruar se mesfushori sulmues pikërisht sot do të niste stërvitjen me ekipin durrsak sepse kishte bërë këtë zgjedhje për vazhdimin e karrierës së tij.
Dhe në fakt kështu ka ndodhur sepse pak minuta më parë Klubi i Teutës e ka prezantuar atë si përforcimin e rradhës teksa në faqen zyrtare shkruan:
Mirë se vjen në Durrës, Esat Mala!
27-vjeçari i bashkohet Teutës pas një eksperience të gjatë në Abissnet Superiore dhe tashmë do të veshë fanellën blu për të dhënë kontributin e tij në arritjen e objektivave të skuadrës.
Suksese Esat!
