Java e 31-të e Kategorisë Superiore, mbylli ditën e sotme siparin, teksa për herë të parë në këtë sezon, Partizani i Ilir Dajës, ka marrë kryesimin i vetëm. “Demat e Kuq”, triumfuan me rezultatin 1-0 në përballjen ndaj Apolonisë, duke u ngjitur në kuotën e 57-të pikëve, 1 më shumë se Teuta e Edi Martinit, që barazoi pa gola në transfertë ndaj Teutës.
Rivalitet i ashpër edhe në fundin e tabelës, ku duket se Skënderbeu, Kastrioti dhe Bylisi do të luftojnë deri në javën e 36-të për të siguruar mbijetesën.
Në hulimtinim e përjavshëm të “Panorama Sport”, për sa i përket krahasimit të pikëve me javën e 31-të të sezonit të kaluar, rezulton se skuadrat që kanë rikuperuar më shumë pikë në këtë krahasim janë Vllaznia, Partizani, Teuta.
Ndërkohë lista e bilanceve negative kryesohet nga Skënderbeut, me -22 pikë, për të vijuar më pas me Kukësin, Bylisin dhe Tiranën.
DIFERENCA E PIKËVE NGA KRAHASIMI I RENDITJEVE:
PARTIZANI +10 pikë
TEUTA +6 pikë
VLLAZNIA +15 pikë
LAÇI +4 pikë
TIRANA -15 pikë
KUKËSI -20 pikë
BYLIS -13 pikë
SKËNDERBEU -18 pikë