Sot është 100-vjetori i lindjes së Loro Boriçit. Një nga emrat më të mëdhenj të futbollit shkodran, do të nderohet siç i ka hije përmes një organizimi nga FSHF-ja dhe Bashkia Shkodër.
Është klubi i Vllaznisë që përmes një postimi në kanalin zyrtar krenohet me një figurë që u nda nga jeta në moshë të re për shkak të një sëmundje të rëndë. Në postimin e bërë shkruhej:
“Sot është 100 vjetori i lindjes së njërit prej emrave më të mëdhenj të futbollit shkodran dhe atij shqiptar, i njeriut emrin e të cilit mban sot stadiumi i Shkodrës, Loro Boriçi.
Krenar që një figurë e tillë ka qenë pjesë e historisë së Vllaznisë dhe prandaj i jemi mirënjohës gjithë jetën për kontributin e dhënë për ngjyrat kuqeblu!”/newsport/
