Kupa e Shqipërisë 2022-2023 do të rikthehet këtë javë me ndeshjet e para të vlefshme për turin e 1/8-ave. Të martën do të luhen pesë ndeshjet e para, ku në fushë do të zbresin disa çifte interesante, ku përballë do të vihen edhe shumë skuadra të kategorisë “Abissnet Superiore”.

Lushnja-Tirana, Korabi-Partizani, Bylis-Vllaznia, Dinamo-Kastrioti dhe Tomori-Laçi do të përballen fillimist më duelet që startojnë të gjitha në orën 13:00 të martën, ndërsa të mërkurën do të luhen sfidat Apolonia-Kukësi, Erzeni-Teuta dhe Skënderbeu-Egnatia, që nisin po në ora 13:00.

Sakaq, ndeshjet e kthimit të këtij turi do të luhen më datën 2 shkurt. Sipas kalendarit të përcaktuar tashmë ndeshjet e para të turit të 1/4-at do të zhvillohen më 1 mars, ndërsa ndeshjet e kthimit më 15 mars.

Ndeshjet e turit gjysmëfinal do të luhen në datat 26 prill dhe 10 maj, kurse finalja e madhe e Kupës së Shqipërisë për këtë edicion do të luhet më datën 1 qershor.

Më poshtë, edhe çiftet e turit të 1/8-ave me oraret dhe vendet ku do të luhen ndeshjet:

 

Kupa e Shqipërisë

Turi i 1/8-ave

Ndeshja Data                Ora                     Vendi

Lushnja-Tirana 17.01.2023 13:00 Lushnje

Korabi-Partizani 17.01.2023 13:00 Peshkopi

Bylis-Vllaznia 17.01.2023 13:00 Ballsh

Dinamo-Kastrioti 17.01.2023 13:00 Tirane

Tomori-Laçi 17.01.2023 13:00 Berat

Apolonia-Kukësi 18.01.2023 13:00 Fier

Erzeni-Teuta 18.01.2023 13:00 Durrës

Skënderbeu-Egnatia 18.01.2023 13:00 Korçë