Vllaznia eshte e fokusuar tek sfida e se enjtes ndaj Kukesit, por ne rradhet e tifozeve vemendja me e madhe duhet pranuar se ka qene tek perballja e fundjaves ne Shkoder ndaj Tiranes. Kjo per vete rendesine qe ka gjithmone “klasikja” e futbollit shqiptar.
Por lajmi me i fundit qe mesohet eshte se ndeshja Vllaznia- Tirana nuk do te luhet me date 6 nentor siç ka qene planifikuar. “Shkodra Sport” meson se Federata Shqiptare e Futbollit ka vendosur qe ndeshjet e javes se 12-te te spostohen.
Qe do te thote se ata nuk do te luhen ne datat 6-7 nentor siç ka qene ne kalendar, por ne datat 12-13 nentor. Arsyeja ka te beje me faktin qe me 9 nentor, kombetarja shqiptare do te luaje nje ndeshje miqesore ne Spanje ndaj ekipit te Katarit.
Kjo ne fakt krijon nje problem te madh per Vllaznine e cila kishte planifikuar nderhyrjen ne tapetin e stadiumit “Loro Boriçi” menjehere pas sfides me Tiranen, por me kete ndryshim kalendari gjerat jane veshtiresuar shume dhe duhet pare ndonje opsion tjeter.
Ne fakt shtyrja duket e pakuptimte sepse do te beje qe edhe ndeshjet e javes se 13-te pastaj te spostohen per ne muajin dhjetor, duke krijuar nje lemsh te vertete./SHKODRA-SPORT.COM/
